وين ودّتْك الليالي ..؟

غيمه مرَّت في حياتي والرَعَد خوَّف غزال = وضاقت الدنيا بـ عيني يا بعد كل الغوالي
رحت أدَوْرِك في جنوبي لين وصَّلت الشمال= والمصيبه إنَّ قلبي ما هَرَب منّك وجالي
هذا آنا اللي دوَّرتك وعاااندت المُحال = ما لقيتك وينك إنت ما لقيتك يا منالي
إيييه ضايق من غيابك ومات فيني الإحتمال= بس تأكَّد هذا حظي وهذا في دنياي فالي
ما شكيت إلا لـ حالي يوم عذَّبني الوصال = لمَّا دمَّرني غيابك جرحي الأسود طرالي
أدري إنِّك ما و " غيبتك "أكبر مثال = وشي طبيعي لو جرحني قلبك اللي ما وُفالي
وتدري إنِّي مآتحرَّك شامخٍ مثل الـ جبال= وماخضعت إلا لـ ربٍ وقت هالضيقه صفالي
ياللي تسأل عن جديدي و وين ودَّاني الخيال= تحسِب إنِّي بالقصايد أكتب إحساسي وأبالي
ما دريت إنْهَا حرُوفي كلَّهَا ظيييم الليال= وكل قصيده في غيابك قلتَهَا وآنا لـ حالي
ما سمعها غير " قلبي " والله يا ولد الحلال = وإلا أنا ما جيت أكتب وآنا في دنياي سااالي
جيت إلى شاطئ خيالي زايرٍ قصر الرمال = وإنصدمت إنَّه تهدَّم لاحَرَس يحميه و والي
ودِّي أكتب لك قصيده و ودِّي أرسم لك هلال= صفحتين بـ إيد شاعر مُرهف إحساسه
القصايد يا حبيبي هي ترى مثل العيال = ومن رحلت بعيييد عنِّي قمت أتفقَّد عيالي
وين ودَّتك الليالي هذا هو أصعب سؤال= وما لقى قلبي إجابه وين ودَّتك الليالي
ترجف أيامي حبيبي وصارت الفرحه محُال = بردك اللي ما رَحَمني شوووف منّه وش جرالي
ما بقى أي شي غالي وضعت في كلمة تعال = وما ذبحني غير إنِّك يا بعد دنياي غااالي
لا بغى يتركني قلبك تكفى وصَّهـ بالعدال = إبعد شويَّه وإرجع وإبعد وإقطع وصالي
ليه يعني في البدايه جيت يسْبقْك الدلال = وليه تتقهوى غرامي وتنثر بـ إيدك دلالي
قلت لك إنَّ المحبه ما تْحشِم قَدر الرجال = لـ إستوى بعين { المحبَّه } الثقل ويَّا هبالي
وقلت لك نظرة عيونك من علامات الجمال = إستغفر الله لا نظرت المُر صار المُر حالي
وقلت لك ما أبي أحبك وإنثنى راس العقال = قلبي عاندني وحبِّك وطااح من راسي عقالي
تَحْسِب إنَّه زال حبك لا يا عمري ما يزال = صعبه يتغيَّر مكانك وإنت لي أوَّل وتالي
الغنى .. ماهُو حصيلٍ من دنانير ومال = الغنى معناه شوفك يا حبيبي وراس مالي
كيف أعزِّل عن ديارك وما قوى قلبي الرحال = ما صمل قلبي فراقك وكانت ديارك رحالي
كيف أجاوب من سألني وآنا في حالة ضلال = وينه عنّك من تحبه والسؤال بصوت عاالي
قلت ما أسمَعوعاد الكلمه مرَّاتـٍـ وقال = لا إتّهَرَّبْ من سؤالي لا إتّهَرَّبْ من سؤالي
وين ودَّته الليالي حيييل يحرجني السؤال= والمُصيبه إنِّي مدري وين ودّتك الليالي

معزوفة الرحيل أبيات فاقت الجمال

صح لسان شاعرها وتسلم يدينك عالنقل

أعجبتني في أبيات كثيره ومنها

رحت أدور في جنوبي لين وصلت الشمال

صح لسان الشاعر

قصيدة عذبة الكلمات

وسلمت يدك

الله الله
يا معزوفة الرحيل
على روعة القصيدة وذوق اختياره
تسلم يديك والله يعافيك

قصيده في قمت
الروعه
والله يعطيك العافيه

معزوفه الرحيل ابدعتي بختيارك
صح لسان شاعرها وسلمت انامل نقلتها
كلمات بقمه الروعه
دمتي بخير

		المشاركة الأصلية بواسطة : الغريق اقتباس
	معزوفة الرحيل أبيات فاقت الجمال صح لسان شاعرها وتسلم يدينك عالنقل أعجبتني في أبيات كثيره ومنها رحت أدور في جنوبي لين وصلت الشمال

اخوي الغريق
تواجدك اسعدني

كل الود لك

		المشاركة الأصلية بواسطة : رعد الجبوب اقتباس
	صح لسان الشاعر قصيدة عذبة الكلمات وسلمت يدك

سلمت لنا اخوي رعد
وسلم لنا حضورك المتميييييييز

		المشاركة الأصلية بواسطة : السلطان اقتباس
	الله الله يا معزوفة الرحيل على روعة القصيدة وذوق اختياره تسلم يديك والله يعافيك

حينما هبت رياحك الجميلة على واحاتي
سعدت بهذاالهبوب الرائع
الذي اعاد لها الحياة والاخضرار
فمشاركتك لي كنز
واطلالتك عطر فاح في كل مساحاتي

		المشاركة الأصلية بواسطة : امبراطور قيا اقتباس
	قصيده في قمت الروعه والله يعطيك العافيه

الله يعاااااااااااااااافيك

شاكرة مرورك