نافذة على آدم [ الاستراحات ]

جواهر موضوعك جداً جميل ونافذه مفتوحه حيل في أغلب البيوت ونقاشكم جداً ثري

لكن الإستراحة ليست مكان مقدّس كي نضخّم تلك الظاهره لأن الرجل

عندما يتواجد بها ويحتاجونه أهله كلها رنة جوال ويتواصلون مع بعض

يقدر يكلمهم ويتابعهم ويطلع لهم ويرجع أتكلّم عن الأشخاص اللي مايقصرون

بحق أهلهم ويطلعون للإستراحات للترفيه بصراحه أنا أؤؤيد الرجل اللي يطلع كل يوم من البيت

بحدود المعقول بعد مايقوم بمتطلبات بيته لأنه بيمللني وبمل منه وبينشب لي بكل شي لو بيكون أربع وعشرين

ساعه موجود فيرتبط باستراحه يوميه لمدة ثلاث ساعات أربع وناسه

يمدي الحرمه ترتب أمورها وتلقى

شي تسولف فيه لارجع ههههههه لكن ماتصير للفجريه حده الساعه 12

أما سالفة إدمان الإستراحات محد يرضاها خصوصاً لاصار مقصر بحق أهله

وبيني وبينكم والله الرجال مو يومياً بيقضي لبيته تقدر الحرمه تمشي حالها بالأربع ساعات

لحد مايرجع لأنه بحاجه لجو ثاني غير جو البيت مهما كانت راحة بيته لطرد الملل وتجديد الحياة

لكن إن كان أدمنها فـ بالنسبه لي بسوي قطه مع خواته ونستأجر استراحه وكل ماطلع أبو الشباب

يقطني بالإستراحه وع قولة شوق طق ووناسه لحد ماخليه يعاف الطلعات كلها إذا ارتبط في استراحتي بعد

وحس إني طالعه برى البيت وكل يوم ولساعات متأخره وبقصّر في حقه وحق بيته

< مسالمه لكن عند التجاوزات واختراق قوانين الحياة تسوي مثل مايسوون عشان يحسون بموقفها

,,,,,

جواهر شكراً لك وشكراً لفكرك ولرقيك

		المشاركة الأصلية بواسطة : شوق شداد اقتباس
	مدخـل > شوق وين بتروحين !! > بروح للإستراحة مواعدة البنات وجايبين طقاقة نوسّع صدورنا شوي الإستراحة مالها ذنب الذنب كلّه على روّاد الإستراحة (المُفرطين) بالنسبة للي عندي (أخواني) نادراً مايروحون إستراحات لأنهم لقوا بديل لها حاطين (بيت خوالي) إستراحـة وينك يافلان عند خوالي العيال كلهم مجتمعين وداقيّنها بلوت وبلاي ستيشن وين نمت البارح يافلان ..عند خوالي .. طيب نمت عند خوالك ودوامك وين !! قلت لخالتي تصحّيني وقت الدوام صرنا إذا بغيناهم لازم نراجع خالتي ندق عليها ونسأل عنهم أنا هنا أقيس بيت خوالي على الإستراحات سيم سيم .. إفراط في حق بيتك وأهلك .. إذا كان الرجل متزوج معاه من بعد العِشاء أو من الساعة 10 إلين الساعة وحدة بالكثير يجي ينام ويرتاح إذا كان وراه دوام وليس شرط وضروري إلاّ لازم يكون مسنتر فيه يومياً أمّا العزابي وماأدراك مالعزابي > رافعين ضغطها اللي عندها إذا كان وقت إجازة وماوراه دوام معاه من الساعة 12 إلين الفجر مو مشكلة > أهله بهالفترة مايحتاجونـه أمّا إذا كان وراه دوام نفس نظام المتزوج أو نزوّد له فالوقت حبتين لأن المتزوج وراه حرمـة تحتريه > حطيت مدخل ومخرج خلوني أعيش جوّكم شوي ياآدم مخرج > إذا تأخرّت لاتحتروني للعشاء بتعشّى مع البنات في الإستراحة ..

ذنب الاستراحة إنها عطتهم وجه ..

آدم << ما لنا شغلة إلا هو ..

آدم مؤمن بأن الاستراحة من أبسط حقوقه ..
ونحن كذلك ..
لكن .. لا تكون ملجأ يومي .. وبالساعات

الله يعطيك العافية شوق على هالدخول والخروج ..
الله يسعدك ..

		المشاركة الأصلية بواسطة : السلطان اقتباس
	أهلاً بك جواهر الموضوع جداً رائع واجتماعي بحت قد يصل في بعض الأحيان إلى ظاهرة وقد يكون فقط مشكلة محدودة وقد يكون له محاسنه أتكلم بوضوح أكثر أنا عندي استراحة وأكون متواجد فيها ليلياً حتى في أيام الدراسة لكن لكل شيء حدود وضوابط فلا ضرر ولا ضرار ولا تفريط ولا إفراط وقتي في الاستراحة لا يتجاوز في أوجه الأربع إلى خمس ساعات وأغلب الأحيان 3 ساعات أعتبرها متنفس لي ومن حقي بعد أن أقوم بجميع واجباتي في البيت والمنتدى ومع أهلي فلا أمانع ولا تمانع أم عبدالله من هذه السويعات التي أقضيها في الاستراحة بالعكس ترحب بها وتقوم بعمل القهوة لي وتجهيزها كلما اقترب موعد ذهابي فهي حتى تجدها متنفساً لها للقيام بأمورها الخاصة ومتطلبات بيتها صحيح أن هناك من بالغ في خروجه وبقائه في الاستراحات على حساب أهله وأبنائه وواجباته لكن أنا أتكلم عن نفسي وحياتي في الاستراحة ألف شكر لك جواهر

أربع ساعات معقولة جداً ..
لكن المصيبة من اللي يتخذونها سكن .. وكشتة
وكأن ما وراهم أهل ..

حياتك في الاستراحة نموذج طيب .. وهذا ما تُطالب به حواء

السلطان ..
أشكر لك روعة حضورك وتعقيبك ..

		المشاركة الأصلية بواسطة : عزوز الزامل اقتباس
	أخت جواهر 90% نسبه مبالغ فيها شوي يعني اجلس مايقارب 20 ساعه بالاستراحة هذي مستحيل !!! ولا كل الرجال يذهبون الى الاستراحة يومياً,,, هناك استراحات تكون في الخميس والجمعه للعوائل , يعني زي ما للرجل ايضاً للمرأة أنا معك صح فيه تأخير للعودة من الاستراحة ولكن مو كل مره ,,, ولو يحصل هذا التأخير دائماً فالرجل من تلقاء نفسه بيستحي .... شكراً جواهر

أهلاً بك عزوز ..
أشرت بأنه ( قد يصل ) .. وهي نسبة غير مبالغ فيها ..
لأن بعض من آدم الذين قست عليهم هذه النسبة ..
ينامون هناك .. بالأيام ..

أنت تكلمت عن الفئة الوسطية ..
وحديثي عن أولئك الاستراحيون .. الذين لا يعترفون بالبيوت إلا أحياناً ..

شكراً لك عزوز على حضورك الجميل ..

		المشاركة الأصلية بواسطة : تــــرف اقتباس
	جواهر موضوعك جداً جميل ونافذه مفتوحه حيل في أغلب البيوت ونقاشكم جداً ثري لكن الإستراحة ليست مكان مقدّس كي نضخّم تلك الظاهره لأن الرجل عندما يتواجد بها ويحتاجونه أهله كلها رنة جوال ويتواصلون مع بعض يقدر يكلمهم ويتابعهم ويطلع لهم ويرجع أتكلّم عن الأشخاص اللي مايقصرون بحق أهلهم ويطلعون للإستراحات للترفيه بصراحه أنا أؤؤيد الرجل اللي يطلع كل يوم من البيت بحدود المعقول بعد مايقوم بمتطلبات بيته لأنه بيمللني وبمل منه وبينشب لي بكل شي لو بيكون أربع وعشرين ساعه موجود فيرتبط باستراحه يوميه لمدة ثلاث ساعات أربع وناسه يمدي الحرمه ترتب أمورها وتلقى شي تسولف فيه لارجع ههههههه لكن ماتصير للفجريه حده الساعه 12 أما سالفة إدمان الإستراحات محد يرضاها خصوصاً لاصار مقصر بحق أهله وبيني وبينكم والله الرجال مو يومياً بيقضي لبيته تقدر الحرمه تمشي حالها بالأربع ساعات لحد مايرجع لأنه بحاجه لجو ثاني غير جو البيت مهما كانت راحة بيته لطرد الملل وتجديد الحياة لكن إن كان أدمنها فـ بالنسبه لي بسوي قطه مع خواته ونستأجر استراحه وكل ماطلع أبو الشباب يقطني بالإستراحه وع قولة شوق طق ووناسه لحد ماخليه يعاف الطلعات كلها إذا ارتبط في استراحتي بعد وحس إني طالعه برى البيت وكل يوم ولساعات متأخره وبقصّر في حقه وحق بيته < مسالمه لكن عند التجاوزات واختراق قوانين الحياة تسوي مثل مايسوون عشان يحسون بموقفها ,,,,, جواهر شكراً لك وشكراً لفكرك ولرقيك

تعترضين على تضخيم الظاهرة وبرأيك الذي سردتيه تؤيدينها ..

الاستراحة مقدسة عند البعض .. فأغلبية الرجال يقدسونها .. ولا يستغنون عنها ..

		المشاركة الأصلية بواسطة : اقتباس
	عندما يتواجد بها ويحتاجونه أهله كلها رنة جوال ويتواصلون مع بعض

لماذا لا نجد آدم إلا عند الحاجة له ؟
هنا تكمن مشكلتنا التي طال حديثنا عنها ..
آدم يظن أن تواجده ليس مهم إلا للضرورة
( أنا رايح للاستراحة إذا بغيتوني دقوا علي ! )

كما لأصحابك حق ٌ عليك
فإن لأهلك عليك حق .. أمك .. أختك .. زوجتك

ترف .. أشكر لك حضورك الجميل ..

أنا مع السلطان في كل كلمه قالها

ومكوث الرجل فالأستراحه بحد المعقول مو عيب ولا حرام

بالعكس زي ماقال متنفس للرجل والمرأه أيضاً >>>>>تقدر تحط حزتها خلطات زيت شعر هههههههه والله من جد

مشكلة الأستراحه ومكوث الرجل فيها لساعات طويله وعدم قيامه بواجباته العائليه مشكلة أرقت حواء بالفعل
ولكن ماهو الحل الجذري لمثل هذ ه الظاهره
هل السبب الرئيسي يكمن
في هروب الزوج من المنزل بسبب حواء ومشاكلها التي لا تنتهي

اريد جواباً يا آدم

طرح حلو
بالنسبة للااخواني( بيتوتين ) يعني مو من حقين الاستراحات

وبصراحه طفشونا ليتهم يطلعون للاستراحات كان
نرتاح من القرقرة

لاكلاااااام لدي بالعكس انا من مؤدييييين الاستراحات

وبعدين الاستراحات متنفس للشباب كمان نحرمهم منها
الاسواق عوائل الحدائق عوائل
خلوهم يفلونها مساااااااااكين محرومين من كل الحقوق

وعلى قولة ابو عبدالله لاضرر ولا ضرار

يعطيييييييييك الف عااافية جوجو

يازين الاستراحه للبيتوتيين
ليتهم يطلعون ويفكونا من النشبه بكل شي

انا افضل الرجل يطلع برا البيت لان جلسته ماوراها الا المشاكل


وانا بالنسبه لي زوجي بيتوتي مدمن نت
اتنمى يطلع مع اخوياه
ويتونس أفضل من جلسة البيت



الله يعطيكي العافيه جواهر

والله ماعرفنا لكم

اللي جالس بالبيت بيتوتي مدري بيتوني

واللي يروح الاستراحة شهرتم فيه

ول استراحة شباب وشباب يعرفون الله ويتقونه ويتجمعون لشيء مسموح

وترويح للنفس من قرقرة النسوان وثرثرتهم بالبيت


مافيها شيء,,,

وتبون الفكة اصلا لما نروح الاستراحة,,,,,,,,


ولاخطيرات كمان تبون استراحات ؟؟؟؟عاد قالوا لكم ان مافيه استراحات لكم

والله فيه استراحات للنواعم بس مو كل يوم بالشهر مره ,,,,,,,ويالله خذ تفحيط وطبل


احنا يالشباب بالنسبة لي طبعا مع عيال عمي وخالي واقاربي

اروح لهم بالأسبوع مرة او مرتين

كرة طائرة أو قدم,,,او نتفرج مباراة,,,,

وبالأعياد قسم للرجال وقسم للحريم


دمتم بخير