يا عين هلي دمع الأوجاع هليه

يا عين هلي دمع الأوجاع هليه=لا تدخرين دموع الأحزان يا عين

جرح بروحي كلما بان أخفيه=أخاف لا من بان سم الثعابين

أخاف جرح الروح الأيام تبديه=ثمن يصير الجرح بالروح جرحين

أخاف من شخص كثير المشاريه=عدة كلامه مثل روس السكاكين

الذنب من غيري وأنا مكتوي فيه=واللي دروا ما هم بالأسباب دارين

جرحي عطيب ولا لقى من يداويه =مرت عليه أيام وشهور وسنين

إن خف جرحي جددن سواقيه =حطم حشاي وفر وسط الشيانين

ما أنساه لا والله ما ني بناسيه =لا والذي نزل تبارك وياسين

لبيه يا دمع المظاليم لبيه=سيل تحدر والمخاليق منسين

ما هي غريبة صافي الدمع ترضيه=عاده ولكن دمعك اليوم كاوين

قال العذاب اللي مخفيه ما بيه =ما يجمع الهمين غير المجانين

إن زاد همك دمع عينك يطفيه =ولا تفجر وسط صدرك براكين

ياللي حشاه بزود الأحزان مشقيه =ترى المدامع طب جرح المساكين

كل المدامع هلي الدمع هليه =لا تدخرين دموع الأحزان يا عين

لآمست الجرح
واسمحو لي لم انسقها

أخاف جرح الروح الأيام تبديه
ثمن يصير الجرح بالروح جرحين


شكرا اختي خشوف على هذا الانتقاء الرائع

بس من هو قايلها ؟

أخاف من شخص كثير المشاريه
عدة كلامه مثل روس السكاكين

الذنب من غيري وأنا مكتوي فيه
واللي دروا ما هم بالأسباب دارين





صح لسآن شاعرها و بقوة ,,

و سلمت لنا ذآئقتك الشعريه و دآم لنا حسن أختياركِ أختي خشوف

دمتِ بهذه الأبدآع و أكثر


نصيحة ,,
لآ تعطين الجروح وجه تبلشك


رسام

صح لسان الشاعر وسلمتي في اختيارك

العذب

تحياتي وتقديري

^
^





تسلمين والله ياخشوف على القصيده الرائعه ^ ^

أخـاف مـن شـخـص كثـيـر المشـاريـه
عــــدة كــلامــه مــثــل روس السـكـاكـيـن

لله درك يا اختي خشوف قصيده جزله وصح لسان شاعرها

وسلمت يمين ناقله

جميع الأبيات جميله ولا تحتاج إلى أقتباس

والله يسلم يدينك ياخشوف

وننتظر جديدك

لا هنتِ يا خشوف على اختيار هذه
القصيدة الرائعة
والمتميزة بمعانيها وكلماتها