المساجلة الشعرية بين الشاعرة مويضي وأختها

المساجلة الشعرية بين الشاعرة مويضي وأختها بنّا التي تمدح زوجها وتنتقص زوج اختها مويضي تقول بنّا:

شوقي غلب شوقك على هبة الريح =ومحصلٍ فخر الكرم والشجاعـه
ركاب شوقي كل يـومٍ مشاويـح =وإذا لفا صكوا عليـه الجماعـه
يالبيض شومن للرجال المفاليـح = لا تقربن راعي الردى والدناعـه

فأجابتها أختها مويضي بقولها:

ماهو بخافيني رجـال الشجاعـه =ودي بهم بس المناعيـر صلفيـن
اريـد منـدسٍ بوسـط الجماعـه = يرعى غنمهم والبهـم والبعاريـن
وإذا نزرتـه راح قلبـه رعاعـه =يقول يا هافي الحشا ويش تبغيـن
وان قلت له هات الحطب قال طاعه =وعجلٍ يجي بالقدر هو والمواعيـن
لو اضربه مشتـدةٍ فـي كراعـه = ما هو بشاكيني ولا الناس داريـن

منقووول

خلوهـــــــــــــــــــا

وين الناس.. عشانها حريم في حريم .. ياعنصرية؟؟

امهاتنا وحبيباتنا واخوات الرجال

أن وجدت عنصريه فانا مؤيد لتلك النسوه

دمتي متالقه يالمستحيله

الله يسلمك ياسعد ويديمك فوق روسنا

مشكورة يالمستحيله على جهودك وعلى اثرائك للمنتدى بالمواضيع المتميزه وفعلا كل بنت عندها هالاحساس( ودي بهم بس المناعير صلفين) حتى ان البنت اذا خطبها شخص كامله مراجله تروح وتشاور الحريم فيه يقلون اتركيه هذا صلف وتعافه وتاخذ هطفا تحدره وتسنده على راحتها.

عمود الشادين الرجال اي والله ما نبيه صلف ولا علي منه
اما ولدي اللي هو ولده ابيه شيخ وما تثنى له كلمه
تناقض صح ....
بس المهم راحة البال
ياهلا بعمود الشدادين وبردوده الي حركت المنتدى

الوسطيه .. احسن

شجاع .. بس رقيق

أعتقد أنه من الصعب إجتماعها.
..........................
عمر بن الخطاب رضي الله عنه .. كان يحمل هذه الصفه.


لكن الآن اختلف مفهوم الشجاعه .. الظاهر إنها أصبحت تعني .. طموح.

دمتم في خير

الله يالمستحيلة

كلن برزقه راضي وقانع .... وكلٍ معه لسان ويعرف يدافع

عن قناعته ورضاه حتى لو كان على خطأ

عموماً يالمستحيلة هنا نأتي للمقولة الشهيرة

(( لو لا اختلاف الأذواق لبارت السلع ))

تسلم يدينك لا هنتي

فوزان الان لم نعد نعرف الشجاع
فالكل يتكلم من خلف القناع

وانا معك الوسطية امر محمود
لانه لا مكان لان تغضب ام عيالك