في ذمتي ماقـول قلبي غلاكم

السلام عليكم

مساءكم الله بالخير

هذي اول قصائدي

حبيت انكم تقرونها وتعطوني رليكم فيها

في ذمتي ماقـول قلبي غلاكم =وماقول غير انتوا سبب هدم كوني
أنا أتحدى كل ذل افـ هـواكم =وانتوا علـي أرخص مــن دموع عيني
ما عاش من ذلني ووقف معـاكم =وما عاش من أرخص دموعي و شجوني
كنت أعتبر نفسي نجمه في سـمـاكم =وكـان لنجمكم مــستوى في ظـنوني
و الهامه أعلى من كواكب فضاكم =وانــــا أحــــترمكم ما أريـد الظـنوني
بنت الشلوي تسمح بـزله معاكم =وان عـدتوا الكر ّه تــرى ســــامحوني
مغروره في شكلي و طبعي جداكم =وأحــــب أمـلك حتى مــن يــبـعدوني
وان قلت إبعد!ببـتعد في لقــاكم =وما بـنسى منهـو ذل قلـبي و عيــوني
و لــكن يـــردها قلبي اللي عطاكم =وما تنــــسى عـــيني يـــومــكم تسهروني
لا تحســـبون القــلب مالــه سواكم =ولا تقسمـــــوني آنـــا بـــس اجمـــــعوني
و شوفوا فــعيوني ما أريده و فاكم =لأنـــــــه وفــــا باطل مزيـّـف بـــــكــوني
عــــزّي لقلب ٍ ما إنحنى أو رجاكم =و لو إنـــحنى مـــره بـــكبري اقـــسموني
لأني و فيت وكنت شاري هواكــم =ومـــن باعني بـــتراب أبــــيعه اسمــعوني
كم عـــاذل ٍ بأكـــبر سهوله رشاكم=كلمه اشـــــترتكم ! لــــيش ؟ بس علـموني
بعــــتوا كــــلام الحـب يومه هداكم = و بعـــتولي قلبي دووون مـــــا تحـشموني
ماني بناقص حب و ذل في هــواكم =عندي أهـــــل لا غــبـتـوا عني احظنوني
هذا كلامـــي خـــله يوصــل مــداكم =و بـسـيـفـكم لـــو هـــو اخـــتفى إطــعنوني
في ذمــــتي ما قـــول قلبي غــــلاكم =وما قـــــول غير انتوا سبـــب هـــدم كوني

وسلامتكم

صح لسانك يا بنت الشلوي بدايه رائعه

قصيدهـ في قمه الروعه ..

تحياتي المعطررهـ..

سلمتي ودمتي لنا انتي والقلمك الجميل
الذي يكتب اروع الكلمات وعذبها
وان شاء الله رب العالمين ان نرى المزيد من ابداعك الجميل

وتقلبي مني اطيب تحياتي

~*¤ô§ô¤*~سلطان المشاعر~*¤ô§ô¤*~

باكر تمر سنين وسنين وسنين
والكل يرحل في الدروب المديه
صدقني تندم واذكر حروفنا زين
تندم على خلك اذا غاب ضيه
دنيا غريبه واكثر الناس ماشين
وكم صاحب والله دفنته بيديه

بنت الشلوي السلام عليكم ورحمة الله وبركاته


هلابك

صح لسانك 00 ولو ان في قصيدتك نوع من العتب

قصيده رائعه واختيار مناسب

تحياتي لك ولاهنتي

بنت الشلوي
قصيده طويله وجميله فيها روح ...
بدايه جيده لشاعره
جيده نتمنى لك التوفيق في القادم من طروحاتك .

يا هلا والله بأختنا بنت الشلوي

وحيا الله هالطلة الجميلة منذ البداية

أبدعتي في نضمك الله يسلمك ولا هنتي

ننتظر جديدك فأهلاً وسهلاً بكِ بيننا

مشكوره اختي بنت الشلوي شعر جميل ورائع وموزوووووووون ودمتي لنا ان شاء الله
عــــبـــــووودي

صح لسانك يابنت الشلوي.... بداية قوية وانا في انتظار..الابداع

مشكوره اختي على القصيده الجميله

في انتظار جديدك الاجمل تحيتي

ياهلا ومرحبا فيك

بكل المقاييس ممتازه بما أنها الاول لكِ هنا

لا أستغرب منك كل هذا الأبداع

القصيده تحمل معاني الأحساس بلألم والعتاب

في سياق جيده ومعاني قويه في أغلب ابيتها

تحياتي للمبدعة القلم بنت الشلوي