ماهي على نية سوالف

مساء الخير على الجميع

يشرفني انظمامي لكم بهذا الصرح الشامخ

مشاركه متواضعه يكفيني ان تنال القليل من القبول .
.
.

ياصحابنا من بعد غيبه جيت وحمولي ثقال= اسوقها واقتادها واقتادها وسوقها
اسوقها للشرق مدري غير وجهتها شمال=تقل اعسرتني والعرب بلشانةً بحقوقها
على طريق المعرفه تعبت ادور للسؤال= اجابة تشلع قلوب الذل من معلوقها
رديتها مع دربها لأن ف العلم احتمال =وبعض احتمالات البشر ماينشرا في سوقها
تورد مهالك لاطرت على حدود الا محال= وتشفي قلوب اهل الجزاله لابدا منطوقها
ماهي على نية سوالف يختلط فيه اجدال= ولاهي عباة اللي بلش يرقع كبار فتوقها
من حق باب المعرفه قفلة بيبان الخيال=ولاعشت في زهرة غرام العشق مع معشوقها
مامن كمال بدربها لأن لله الكمال = وسبحان من ينشي مزونً تشتعل ببروقها
لكن تحديد الهدف من زاوية حدالمجال= اعقول تفهمها غلط واعقول تاخذ ذوقها
والشجره اللي ثابته يالله عساه للزوال= عن ديرة الأجواد تقلع من حدود اعروقها
جتني قوافيها كذا يعني تراها ارتجال= حرام ماثنيتها ولا قضبة اسبوقها

[/quote]

حياك الله يابو عناد ..

والمنتدى منتداك بلا شك .. وأعذرني أنا مشغول

ومبتعد عن النت وعن الشعر .. ولكن وجودك اليوم

أستدعى تواجدي للترحيب بصديق مثلك ومجارات

قصيدتك ..

يامرحبا يالصاحب اللي جيت بعلوم الرجال
...................................في حلةٍ شوف الرجال يسرها ويشوقها

أقلط على زين النبا وأقط على صفوة دلال

................................ماذاقوا أهل الكيف نيتها ولا محروقها

من بعدها سج الخطا وأنهج على مبدا الهلال
..............................وأحذر من اللي يعترض درب القدم ويعوقها

خل أحتمالات البشر .. ماكل مايعرف يقال
...............................أحدٍ قصر عن هقوته وأحدٍ تعدى فوقها

وأنته من اللي معرفتهم تاج راس و راس مال
..............................خويهم مامون .. من نقض العهود وبوقها

لكن ليتك جيت يالحربي قبل وقت الزوال
...................................تاخذ نهارك باوله والشمس وقت شروقها

يا صاحبي وأن غنت الورقى على عود الهدال
......................................أحذر يشدك لحنها وأحذر يشدك طوقها

هيا معي نبدى على روس المشاريف الطوال
.........................................لامن رقينا في مراقيها تبين فروقها

هيجن ليا هيجنت ..وأن لا ليت بالطاروق لال
.....................................نطرق طروقٍ ماطرق شيخ الطروق طروقها

والشجرة اللي طلعها طيب وساقيها زلال
....................................قدام تقطع جذرها لد النظر لعذوقها

الشيخ فالفتوى يقول :أثمارها توكل حلال
...............................وان كان عندك شك في فتوى المشايخ !! ذوقها

جتني قوافيها كذا ... رغبة وطاعة وأمتثال
.................................حرام ما أثنيها ولا اغني على طاروقها

سعود

صح لسآنك

وتسلم يمينك على هالقصيدهـ الرآئـ ع ـه


لك أج ـمل التحآيــاا

صح لسانك ملايين يا ناصر
وبيض الله وجهك

ننتظر جديدك ومشاركاتك معنا

يا هلا والله وألف مرحبا
بشاعرنا ناصر الحربي
والله يحييك يا ولد حرب في منتديات أخوانك الشدادين
نرحب بك بيننا أجمل ترحيب
ونتمنى لك تواصلاً يليق بك كشاعر ننتظر منه الكثير

هلا وغلا يا ناصر ومرحبا تراحيب الأمطار

وصح إلسانك وحياك الله

وصح إلسان سعود وبيض الله وجيهكم

صح لسانك ملايين يافارس المفرده

والله يحييك بيننا

المنتدى منتداك

حياك الله وصح لسانك وسلم فكرك ..

والله ونعم بناصر ونعم بسعود

أنا اشهد ان كلهم جزلين ووافين

ليتني لحقت زمانهم من غير قصور بأحد

تحياتي