الاخوه الاعزاء اداري واعضاء
((شبكة الشدادين الرسميه))الموقرين
اسعد الله اوقاتكم بكل خير
اطرح بين انضاركم هذه القصيده المتواضعه والموجه لشاعر من شعراء الشبكه له قصيده واحده بالمنتدى وكاني اراها وحيده ويتيمه برغم اطلاعي على بعض القصايد التي مازالت محبوسه
باوراق الشاعر وللتواصل والحراك اوجه له هذه القصيده واسئله الاجابه ولابدله بعد هذا ان يكون اولايكون
الشاعر بالمناسبه هوشاعر الشبكه((لسان العرب) وهوشبل من اشبالي حفضه الله ورعاه امل ان تحوز على رضاكم والسلام عليكم ورحمة الله وبركاته

البارحه دم العروق أبحميه=على أعتبار الفال بيض النواصي
الهاجس اللي مزنته عقربيه=جزل البيان وعين تست اختصاصي
الشعر شاعر والشعور ابجديه=ابسط حقوقي مايكن التواصي
عذب الحروف وقبلة العسبليه=أنصابها شبلي وشبلي يباصي
حث المطايا والنوايا مطيه=العمر مره والفرص باقتناصي
أبوك سمى باسم جدك سميه=شيخ الشيوخ اللي وقف للرصاصي
خليفه أسمى معنوي بالعنيه=رجال وأكبر من جبال العواصي
ضم الكلام الفيد مني وصيه=مهو بلوت ولعب ديمن وهاصي
الياعرفت المقديه والخطيه=اصغر ذنوبك لاتكرر معاصي
واليا أعتنيت العانيه بالحزيه=خلك على قد المقام أحتراصي
واثق عرى الوثقى وثوق القويه=وخلك مع الله مخلصا ومتحاصي
ويمناك لامدت وجادت عطيه=ماتخطي الجودات لوهي قواصي
والوالدين أكبر رضاهم هديه=صدقك معا نفسك خلاص الخلاصي
والضيف له واجب وحق وشفيه=وبشاش فالك ماوراه امتغاصي
يقبل شريف ومضعفه بالتكيه=ويقفي هتيمي مايهاب انتقاصي
وخويك اللي مايخلي خويه=وجنب عن اللي لاستعديت حاصي
اخوك اخوك الفقد اخوك القويه=ماله ولالك منه بد ومناصي
ألأحترام بصدق عدل السويه=يرفع بكم قاله ويثبت مناصي
يامشين الفرقاء وكبر الرزيه=لابانت الثلمه بصف ارتصاصي
جرب قبل لاتنصدم بالحضيه=وسجل على الهامش براس الرصاصي
من لايضرك مايسرك بهيه=ومن لاشفع باخيه ماحن قاصي
واعط الرجال أحقوقها بالوفيه=خذ حق وأعطه والجروح القصاصي