يا بعد هقواتي على حسب ما أظن= ويا سهلها يا صاحبي في البدايـه
حسبي على الايام وشلون سون = خلت سنين العمر تمشي ورايه
كم كنت انا مشتاق لأيام بيجين= والحين خوفي منهن أكبر عـنايه
كنــت أترقبهن يجـن يتماشن = وأردهن لمن بغيــت بعــصايه
لكنــهن راحن عليّه وقــفـن = وانا مكاني راجيٍ ما ورايه
يوم أحسب اللي راح واللي تبـقن= مثل عشاي اللي تبقى من غدايه
لكن انا عاتب ولدري على من = كل شيء قدمي فعلته من يدايه
انا طلب الله ربٍ كريمن = هو قادر يخفـف من اللي عـلايه
صحيح انا غلطان لكن على من = أغلط على عمري وأصحح خطايه
أسلك طريقٍ ما به أنسٍ ولا جن =أمشي وكل الناس تمشي ورايه
يا صاحبي كانك تعرف اللحن غّن = وجاوب ندى قلبي وجاوب ندايه
ايامنا باقي بها اللي يكفن = واما كفت للعمر حـد ونهايه
صل الصلاه أليا سمعت المؤذن = وأقرا من القرآن سوره وآيه