شبكة الشدادين - عرض مشاركة واحدة - يا هيه يا اللي علينا تطلون ... اما انزلوا والا عليكم رقينا

توقيع : قطري أصيل

المشاركة الأصلية بواسطة : طي الشمرية

اقتباس

في غربتي عيني على مطلع الشمس
لـي لابـةٍ مثلـه علـوّه وضّــــــــيـه

لا غبت عنهم ينحمس خاطري حمس
وأرضى إذا جيت النفوس الرضـيّـه

بعض الخلايق ذكرهم يجلب العمـس
وبعض الخلايـق ذكرهـم شاذلـــــيّـه

وأنا هلي بنٍ مـع أرناقـه الخمـس
من لامنـي لاصـرت كلـي حمـــــــيّـه

لي لابةٍ تاريخها يرفـض الطمـس
بكتب العجم لـو خانـت الأبجديّــــــــه

تِسمع بعال الصوت لو تنّطق همس
صفحة فخر يصعب على الناس طــيّه

أمجادها باليوم .. وأمجادها بأمـس
لها عـروقٍ عبـر الأزمـان حـــــــــــيّـه

ولي ديرةٍ يطرب لها الحكي والرمس
حايـل .. وحايـل تحفـةٍ حاتمــــــــــــــيّـه

حايل لو إنه ينلمـس حبهـا لمـس
أبصـم وتظهـر بصمتـي حايلـــــــــــــيّـه

أنا من اللي عزهم يشبـه الشمـس
أحرار طـي .. وعزوتـي شمريـــــــــــه

بن اليمن يفرقه عن غيره الحمـس
وحنا فرقنا الطيـب وسـط البريـــــــــــــه

والله مالي عقب ما أطبـق الخمـس
إلا الوفـاء للشـمـري والحمــــــــــــــــيـه `
الشاعر

..فالح الشمري..

ولاتهون القبايل
الكل تاج على راسي

هكذا يقال الشعر

هذه القصيدة من عيون الشعر العامي
وهي في غرض الفخر ولقد أبدع شاعر هذه القصيدة ماشاء الله عليه

ويحق لك يابنت شمر أن تفخري بشمر وبحايل وطي والضياغم الذين حكموا
من عمـّان الاردن إلى عمان مسقط

وتروحين وترجعين من حايل بالسلامة

وأهنئك على هذه المملكة الجميلة والتي ننتظر منها الكثير

تحية كبيرة لشخصك الكريم