وداعاً كسرنا المُترف
.
عيون الوقت تناظرنا ودمعة عينها تنزف=بداية قصة الآلآم على احلام نسيناها
نسينا عمرنا الماضي وعيّا بابنا يِنصف=خَطاوي جَيّة اللّقيا في اقدامٍ نِخيناها
لقينا لحظة الغربة اسيرة ليلنا المُجحف=تداولها العنا باسمك واسمي ماتمنّاها
انا الضامي باحساسك وصوتك داخلي يذرف=بقايا عَزْفة الاشواق كئيبة ماتغنّاها
وصارت دورة الايام تواكب عمرنا بالنزف=ولين الحين والذكرى عجزنا مامحيناها
ابيك وصرختي تشهد صداها داخلي ماجفّ=تقول العمر على فقدك سنينٍ ماتهنّاها
تقول اني ترى فاقد وجودٍ مايقوله وَصف=اذا الابيات تكتبنا وحنّا ماقريناها
وداعاً والغلا مكسور وداعاً كسرنا المُترف =حزينة لحظة الفرقا بخافقنا آوِيناها
ودام العمر ياعمري لعقرب ساعته وَقّف=فمان الله يَاحْلامٍ صحايفها طِويناها
توقيع : عبث | للسنين المُعتمه .. لآخر بلاد
للمَدى / للكون / لـ الحزن الكفيف
كنت مثمر حُب في موسم حصاد
وعبثوا بي ناس تشبه لـ [ الخريف ]
|
التعديل الأخير تم بواسطة ! سارة الغيد ! ; 12 Jun 2014 الساعة 04:26 PM
سبب آخر: تنسيق القصيدة
|