يا عجب كل العجب صار شيٍ ما يصير=الخلايق تختلف بين ليل وبين يوم
ما دريت ان الليالي باهلها تستدير=ان قطع حبل الوفاء والمعرفه والسلوم
الطبايع والعوايد بها فكري يحير=اتعجب واتفكر بها واقعد واقوم
صار لي قصه طويله تحرق باالضمير=ما اقدر ابديها ولا ودي اللايم يلوم
من صديقٍ ما خبر له شريك ولا خشير=غاب عني واختفى ما تجي منه العلوم
مبتدا عرفه لسانه مثل سلك الحرير=اثر بعض الناس باالصدق معطى ومحروم
الصداقه والوفاء دربها دربٍ عسير=كل من حبك على شيّ حبه ما يدوم
لو دريت ان كان عن عرف مثله مستخير=الوفاء باالناس موجود ماهو بمعدوم
رح وانا بلقى بدالك وخلق الله كثير=الحقيقه ما حدٍ يركض الا له لزوم