الا يا عيوني ما يفيد النظـر والشوف
الا ياعيوني ما يفيد النظـر والشـوف = تكافـي وكفـي لاتراعيـن ياعيونـي
تكافي كفاك مكايد الجادل الغطـروف = ابو وجنتٍ فيها شرى الموت مقرونـي
انا اشوف شوفك واتمنى وانا مشغـوف = من اللي سلب عقلي على بغير قانوني
غزالٍ يداني خطوته بين امان وخوف = يوطي قدم رجله على القـاع بالهونـي
لاحظني بعينٍ كن فيها نمش وسيـوف = وقع ما بكفي واختلف وانصفق لونـي
تبي ذبحتي ياريم وادي سكاكا الجـوف = حسيبي عليك مصّرف الخلق والكونـي
تعرض غريبٍ نازحٍ يم ابن رفـروف = ورا دار قاره يقنب الذيب مـن دونـي
الا ياعذابي منك ياضامـي السرجـوف = شبكني هواك وبّيـح الود مكنونـي
الايازريف الطول انا اطلبك بالمعروف = بعد عونت الله منك انا بارجي العونـي
دخيلك تلبي دعوةٍ من ثلاث حـروف = طرف ساعةٍ نفرح بها وانت ممنونـي
اريح ضميرٍ بالهـوا مولـعٍ مكلـوف = مـن الله خلقنـي بالغناديـر مفتونـي
كلمات: حمد المغيولي
التعديل الأخير تم بواسطة ! سارة الغيد ! ; 20 Mar 2017 الساعة 03:48 PM
سبب آخر: تعديل بعض كلمات القصيدة و التنسيق
|