سلام يا أبو عبدالله العزّ كله=يا مربي الاجيال حاضر وماضي
يا اللي محل الجود دايم محله=يا شيخنا وانته فريضٍ وقاضي
جعل الزمان اللي به الفين عله=يخضع تحت رجلك بليا اعتراضي
وجعل سنينه من أمامك تتله=وتشويه باللاهوب من حرق لاضي
وجعل الرخوم اللي به الوقت شله=يفدون راسك في الليالي العراضي
انته لنا سيفٍ مشهّر بسله=وانته لنا رمحٍ ليا ناض ناضي
والشعر بك اعتز وانته واف له=ولغيرك ما والله قام انتهاضي
اليا فقدنا جيتك قلنا والله=ما أشين مكانٍ عقب راعيه فاضي
لو كان شبينا من السمر جله=ونحرنا الدله فانا غير راضي
ثم قام هاجوس القصايد تمله=نار الغياب مع الليل تاضي
ثم قلت طرق الشعر بأول مهله=ندا شجيعٍ عندنا ما يعاضي
منصى النشامى والمعاريف دله=ما ينافسه الا مليك الرياضي
والمدح في غيره ولو جاك خله=يزهاه ليثٍ للتجاريب خاضي
ابو عبدالله واللي غيره لا باالله=المجد شلاله ما ينقاس حاضي
وصلاة ربي عد ما الخلق كله=على النبي اللي سطع بالبياضي