16 May 2008, 03:36 PM
|
|
حنا بني الحارث
اعضاء وزوار منتدانا
السلام عليكم ورحمة الله وبركاته
اليكم هذه الابيات امل ان ترتقي الى مستوى ذائقتكم الشعرية
ثنتين فينا ماتغير طبايع=ماتختلف مع اختلاف المبادي
مداتنا تملا بطن كل جايع=ولطماتنا تعمي عيون المعادي
حنا بني الحارث نهار الوقايع=نشفي الضماير بالسوف الحدادي
يوم القوي سيد ما فينا طمايع=الدار محمية بحدب الهنادي
يشهد لنا التاريخ في كل خايع=ويشهد لنا التاريخ في كل وادي
وانا اشهد انا مانخون الودايع=والضيف يلقا كيفاً اشقر وزادي
هذا جواب لكل من كان ضايع=حتى يدل اللي معه كان غادي
وكلاً من اهل الطيب له صيت ذايع=هذي قناعاتي وهذا اعتقادي
واعداد من في السوق شاري وبايع=صلى الله وسلم على خير هادي
سعد العضياني
توقيع : سعد العضياني | ودي اخفي دمعة العينين ودي=بس عيني من دموعي ما استراحت
المحاجر دمعها من فوق خدي=والعيون لخافي المكنون باحت
|
|