قم يا نديبي فوق سلسات الاقران = حمرن على قطع الخلا دارباتي
عجلات صلفاتن مراديم وسمان = مرباعها وادي الرشاء والحصاتي
تسرح صلاة الصبح من جال مران = ويا زينهن لا روحن مهذلاتي
يشدن فريق الصيد لا راح قزيان =أليا لقفهنه عطيب الرماتي
يلفن عايض في حلالن لها شان = وشرار حامي الثبر الجاذياتي
رد السلام وخص لي كل ديقان =ربعن يسوقون البلاء للعداتي
لطامة العايل وعقارة الضان= ونجورهم طول الدهر ما تباتي
ولا بد ما تلقى طواريف عربان = في ديرتن يا علها المحجفاتي
تلقى ذوي حطاب في شعب سلوان = أهل بيوتن في الوطى بيّناتي
وأما الجياشه حزبّوا مع فنيسان = ركابهم مهيب متريحاتي
يخلون مرحانن ويملون مرحان= ويتلون سيف ٍ فوق صفرا مهاتي
يا زينهم وإن شبوا الصبح ضيان = وجدي على شوفات ربعي شفاتي
وجدي عليهم عقب جيرة عبيسان = اللي بخيل وقاطعن في الصلاتي
ما مرتن نادى على الزاد صفطان= ولا أومى لهشال الخلا بالعباتي
ومذيني بصوته عسى ماله لسان =ودايم شويهاتي منه جافلاتي

اشرب ومد اللي كما الداب يا جطيل= مدوك ربعك في طويل اللحودي
مدوك ربعك بين بسيان وكحيل = وليلة نمدك من ليال السعودي

الموت يا ثعاي جتني ركابه = جتني ركابه والكمي امتقفيه
والموت ماني بامنه مار اهابه = واخاف من شين العمل يوم تطريه
كم من عدو كل ما حد نابه = كفيت عنكم حجته عند قاضيه

ان مت حطيناك في راس لابه = في مرقبن عسرن على من يعديه
فوق المويه اللي عذي شرابه = في الشتو يوم ان الخراريص تخليه
قدامك ابن حميد عانه غدابه = وابو جهز كم من غني يفقريه
والشمري قبلك توفى حسابه = كم بيت شيخ يهدمه فوق راعيه
هجيت من داري لدار الحرابه = وانا احسبن اللي يسير يخليه