ذبحني حزني وزيادة على حزني طعون ايديــك =تبري كفك الغــادر من طعــوني ونكــراني
مـدامـك نــاوي تبعــد تـوكــل قــلبي مايـبغـيــك=مـدامك عـــارف دربك توكــل ليــه تسألنــي ؟
تشـاورني وتـعـرف عـزتـي تـمنعـني انــاديــك=وبعد عارف رحيــلك ياشــقا قلبي يـعذبنــي
اهــدي ثـورة جـروح يـهـديـهـا نـغـم طــاريــك=حسـيــبك ربي والايـام كفــيـله بك تـطيـبني
وش يهـمك اذا ببـكي دمـوعي والله ماتـرجـيـك=انا ابكي على نفسي ودموعي بس تريــحني
اذا فعـلاً تـبي ارتاح ارحـل حـتى لوابــكــيــك=مسير دموعي تتوقف ومسير الدنيا ترحمني
توصيني على نفسي وعلى حلو المشاعر ذيك =ولكن للأسف تدري شعــوري حـيل ضيعني
مدامك تلـعب بقـلبـي ولايـهمــك اذا مـاابـيــك =فمان الله انا مااشـري شـعـور انسان بايــعني
توسدت الحزن لأجلك وكانت غايتي ارضيك =وكانت احلامي وكلي وفاك احـساس ساكـني
ولكن خابت الهقوة وهم خـابت ضنوني فيك =حـسافــه بــس ياقـلـبي هــاالــخوان دمــرنـي
تمـر وعـاجـز تـسـلم ولـكـن اوقـف احـييـك =اصيله بنت اسياد وصفـات الـعـز ترى مـنـي
اسـلم وانـت تـحسـبني ابـي ارجعه مـاضيك =تــظـن اني عـلى خـبرك خـبر لقـياك يسعدني
انا طبــعي كريـم وعزتي والله ماتـشـريـك=انـا كــلي شــمـوخ الــكون لــو دورت يسـكني
انا ياناكر المعروف بعود قلبي مايــطويك=انـا ياخـاين الــعشــرة تعــبـت اجــمعه حــزني