ياذا الحوير ليه ما تمرح الليل=أسهرتني والقلب فيه اشتبابه
امك تراها في حجاب الزحاليل=في حفرةٍ صكت عليها الذيابه
في حفرةٍ لا علَها رايح السيل=من السحاب اللي يهزع رقابه
ومصيبةٍ يا حيل ابا الحيل=اصبر بعد صابك من الرب صابه
ان كان دمعك فوق خدك هماليل=انا ترى قلبي سرى في عذابه
كثر البكاء ماهو محصل محاصيل=ما سر قبلك في النبي والصحابه
اثر المنايا يوم تاجي مقابيل=قرٌٌب وتعطي كل واحد حسابه
اما تجي في المال والا الرياجيل=واللي تحبه زوَعت به نهابه
ودنيا تداول مثل دول الفناجيل=كم فرَقت بين الاهل والقرابه
مار ياناقتي في الذود مالك تماثيل=مالك وصوف إلا وصوف السحابة
جرميةٍ خيسوف ولها تفاصيل=تفصيل ثوبٍ ضافيٍ من ثيابه
واللي يدربها على كل تمقيل=تنشّط الخاطر على كل جابه