( العمر راح ) قلي وش بقى ؟=كود ذكراك ما بين الظروف
( كم تمنيت لي لحظة لقى )=منك ياللي لغيرك ما نشوف
كم عطيتك وانا كلي شقى=وانت ما يوم في حالي تروف
وكم عشقتك وانا اللي بك هقى=ليه تسعد على نزف الحروف !!
وكم ضميتك وانا طالب سقى=وانت عذرك احد من السيوف
وش بقى .. والمراسيل اصدقى=لا غفينا .. تجي مثل الصفوف
لا رجعنا لها حزني رقى=لين شبنا .. بعد شفنا .. الحتوف
اه يا وقتي اللي ما نقى=الشقى .. والتعاسه .. والحسوف
كلها لا مشى دوم ارفقى=وانت راضى على قرع الدفوف
كيف ترضى بعد حلو اللقى=كيف ترضى بعد مد الكفوف
كيف ترضى وكلي لك وقى=كيف تترك يدي سبة ظروف !!
ليه غايب ؟ تكلم ما بقى=( غير ذكرى عذابي فاالرفوف )