جزل القوافي كما طلق رشاش=أو طاير بالسماء طار بالريش
من بنك بحر المعاني رزم كاش=صرفه كصرف الذهب والرشاريش
بعض النوايا ترى ابيض من الشاش=وبعض المعاني كما لقمة العيش
ابيات ما تستفز النهى ماش=وابيات تشرى ولو الثمن بيش
وخيل على صهوته شاعر شاش=مرهي على السبق والخوف ما فيش
ما ينلحق في مسافات الأنواش=وما ينتظر للإجابات تغشيش
قلوب من بلسم حكاه تنداش=يروي الكبود الغباب المعاطيش
وعقول من قدح معناه تنحاش=دون المسافات بعد المناويش
وانا احمد الله عدد برق ورشاش=وعداد رمل سقته الرشاريش
كم شارد عنك يالموت ماعاش=وكم سايق خطاه للموت ويعيش