شبكة الشدادين - عرض مشاركة واحدة

الملف الشخصي للكاتب · توقيع : كنق الشدادين

هاذي القصيده قلتها في الشيخ عجير ابن مهرس الشدادي الحارثي نظرا لان فعوله
مخفيه عند اغلب الناس وهو في وقتنا الحاضر مااخذ حقه من ناحية الشهره وهو رحمه الله
كان فارس وشيخ ومهما يقال فيه من الشعر لن نوفيه حقه وواجب علينا حنا يالشدادين خاصه وبن الحارث
عامه ان نبرز فعوله امام الناس وهاذي فعول للقبيله يجب ان نبرزها امام القبائل ونفتخر فيها

تكفون ياربعي تراعجير مظلوم
في ذمتي ذمه كلامي حقيقه

غيره يوثق له بطولات وعلوم
وفي وجه ابن مهرس مايصمد دقيقه

شيخ شهر صيته مع الفرس والروم
ومع العرب ذكره وكل الخليقه

من يسمع فعوله يظن انها حلوم
عاث الجزيره مالقى من يعيقه

اليا تعزوا يرتجف فارس القوم
من هيبته مااحدن يقف في طريقه

ربعه تفاخر به محنك وزيزوم
عزوة بني شداد عزوه عريقه

من فعلنا وجه الملاقيف ملطوم
ويعتز من حنا ذراه ورفيقه

وباقي ربوعي طحاطيح وقروم
عزوة بني حارث مافيها لفيقه

فرسانها يوم ان فايز ومهزوم
ينشف زعيم القوم مابل ريقه

من غير قاصر فالقبايل وملزوم
امدح افعول اهل الوجيه الطليقه