إستهل البارق اللي جلا نور العتيم = و أشرقت شمس المعزّة و زال حجابها
عقب مادانت لزيزومها الشيخ الزعيم =لبسّت ثياب الفخر و الفخّر جلبابها
إستعاد المُلك الأول مع المجد القديم =ورثّت ملوك العرب عودّت لأصحابها
عقب مارسى الحِكمْ بالدين و الحق القويم =فارق الدنيا و ذكراه عطر ترابها
و أمتطى صهوّة جواد الحكم شيخٍ حكيم =سيف عزٍ صاملٍ مايهاب صعابها
يا( سعود الخير ) و الخير في عهدك عميم =و المدارس فتحّت تحت عينك بابها
حاربك في فتحها جاهلٍ قدرك غشيم =ضغمةٍ من جهلها لك تسِن حرابها
جامعة الإسلام قامت على الدين العظيم =ذا حبيب الدين ضمتّه في محرابها
جامعتك تضِم طلابها دُر نظيم= إسمها هيبّة و من زارها يزهى بها
و أنجلا في عهدك الجهل ياعوق الخصيم =و إنبلّج صِبح الفخَر ليِن عّم هضابها
عمّر البيتيِن مرضاة لله الكريم =لين صارت تُحفةٍ فايحّة بأطيابها
و أنت يارمز المفاخر و يالحُر العديم =قصتك مهمّا يطوُل الدهّر يِحكى بها
ماجحدّ قدرك و طيبك سِوى نذلٍ لئيم =سيرتك نبراس عزٍ تشرّع بابها
و ياسعود الله يجازيك جنّات النعيم =و مايبيّن قيمّة الشمس كود غيابها