يا ضايق الصدر بصدور الشماليه=خلك على اقصاك والموضوع بالاتي
الزين والشين معروفه دلاليه=مـا به علـى النـاصية مـكتوب واثبـاتي
انا ضحية زمـاني والوجـوديه=ضحيت بـالعمر واسترجـعت حـسراتـي
كل المساحات في نفسي قتاليه=وكـل الـعبـارات فـي حـلقـي مـسراتـي
اضحك وانا اموت فاللحظة جماليه=أكـيف الـحـال وأستنـفـذ مــواسـاتـي
مدام ما حتاجت الوقفة رجاليه=مـمكـن تـعـدى وابـررهــا بـالاوقــاتـي
الناس ما عندها غير الجداليه=وكـلام مـا ينـقـص الـزايـد بــروعــاتــي
نفوس خلق الله اكثرها هلاميه=علـمت خـليت مــا عـدلـت بـسمــاتـــي
يا ديرتي والله انك مال محليه=عـزي بـعـزك وبـاشعـارك شعـاراتــي
قومية النفس لا عزت بقوميه=تـرفــع مـقـامـات وتـوطـي مــقـامـاتـي
جات الحسابات بالحسنى اصوليه=كـم مـر بـالوقت من عله وكم جاتي
دون احتمالاتك الناس احتماليه=وهـذا بـلا ابـوك يـا عقـاب ومـعاناتي
وافكـارنـا لو تـفكر في الـمثاليه=اول مـــراعاة تـلـزمـهـا مـراعــاتـي
والناس بافكارها صورة خياليه=تخرج عن الواقع الممكن مـجالاتـي
والشيمة اللي تقيدها كماليه=مـا هي أسـاسـا مـن أعمـاق الـمـحطاتـي
واللي تحرّى العدالة كل معنيه=مـن دونـها لـحيتـي تبـشر بـصمـلاتـي
هذي رسالة على الشيمة عريبيه=يـمك بـعز وشـرف صـادق مـوالاتـي
والله لاشيمك عن فكر الهتيميه=يـا ديـرتـي يـا جــلا هـمـي بـساعـاتـي
اقولها واعتبرها حق مقضيه=فـي ذمـتـي مـا تـخيـب فيـك فــزعـاتـي
ولا اموت والطيبة فالنفس أفنديه= حـتـى تـسيـد عـلى الـــقـالة ادارتــي
هذا قراري ومعلن بالخصوصيه=بـامـري وكيــفي ومـن قـوة اراداتــي
جاتك حروف الشعر نفحات شوقيه=عبــر الأثيـر الـمـوقـر بـالافــاداتــي