الله يبارك في مسيرة عاصفة حزم الكرام=ما عاق سير القافله شدة نباح كلابها
للحق طلابه ومن جا في ذرانا مايضام=في دار من تاطا حياض الموت دون اشنابها
ارض السعوديه عزيزه والوطن موته يسام=والكلمه اللي ما تشجعنا مسكر بابها
جند على حد اليمن ونميّز الاحداث شام=شبت شبايبها شبوب النار من شبابها
ومراسلات العولمه تكتض في وسط الزحام=والفكر ياخذ موجز النشره من اللي جابها
اللي يلقّون الخلا واللي يحدون السهام=وكل وفكره لويشوب المعرفه ماشابها
من دون توحيد الجهود اعلى المباني مايقام=وان مر عام بعد عام الا بما يبنا بها
اعلامنا يحتاج نخبه من رفيعين المقام=والمفردات اللي بلا مضمون وش نبغا بها