يقـول مـن يبـدع جـديـد المثـايـل=واليـا بـدَع صـارت بيوتـه دلايـل
ابدع بيوت الشعـر مـن بـال واسـع=وأخذ جزيلـه وأتـرك اللـي هزايـل
يـا ناشـدٍ عنـي ترانـي حسيـكـي=وربعي حسيكـة مـن خيـار القبايـل
نُعـرف ترانـا كلنـا باسـم حسكـان=لا حـل ذكـر المـدح حنـا الأوايـل
سبعـة بـدود وكـل بــدٍ مسـمـى=سلايـل رجــالٍ ونـعـم السـلايـل
بنـي كريـم أهـل الوفـاء والشهامـة=ثلاثـة بـدودٍ مـن أهـل الفضـايـل
ربعـي ألاد ازحـام قـومٍ لنـا شـأن=قـوم المشـوّك يـوم قـدح الفتـايـل
تشهـد لنـا الحصنيـن حَيـده وريعـه=ويشهـد لنـا حتـى الجبـل بالفعايـل
أهـل الكـرم والجـود فـأول وتالـي=ذبّاحـةٍ للضـيـف كـبـشٍ وحـايـل
وأهل الحكم والمعرفـة وأهـل دينـي=نوعد ونوفـي مـن رجـال الصمايـل
وأمـا العطـا سبحـان ربٍ عطـاهـم=العـرِف والحكمـة وعـدة خصـايـل
أهـل الشعـر لـن عـودت للقصايـد=أشعارهـم تذكـر ولا هـي قـلايـل
للشعـر شعـارٍ وللعـرف عــرّاف=شيـوخـنـا عـرّافـنـا فالقـبـايـل
وإن عودت للحـرب قـوم الحرايـب=يشهـد لهـم كوبـان وإعـذب مَهَايـل
وإن قلـت ألاد جعيـد قـوم الزعامـة=شجعان وقـت الحـرب ماهـم ذلايـل
أفعالهـم منهـا العـدا تلعـن إبلـيـس=يانـعـم فيـهـم والعمـايـم نطـايـل
أهـل الحميـة مـن قديـم السنيـنـي=فزعاتَهـم يـوم الجنـايـز حمـايـل
والمجيَشـي أربـع بــدودٍ عـددهـم=قريـش وهميلـي وعمـري نكـايـل
وألاد مشعـف رابـع ابـدود مجيَـش=فاسـم الحسيكـي كـل أبونـا نزايـل
قريـش مرويـن السيـوف البـواتـر=مرويـن سـلات السيـوف الصقايـل
ربعٍ لهـم فـي الوقـت قيمـة وهيبـة=يُحسـب لهـم يـوم إنهـا بالنهـايـل
وقفاتهـم مـن ماضيـات العصـوري=أهل الحيل للخصـم وأهـل المحايـل
وأما الهميلي سِعـد مـن ينتخـي بـه=يا سِعد من ينصـاه مـن شـر عايـل
حَمّاية الديـرة ليـا مـن المَلَـح ثـار=قطّاعـة الفُرجـة سـبـاع القـوايـل
يـا جاهـلٍ فيـهـم تنًـشَـد وتلـقـا=تلقـا الهميلـي مـن رجـال الجمايـل
وألاد عـمـر معمـريـن الـحـدودي=حامينهـا يــوم الذخـايـر شعـايـل
يامـا مـن العـدوان صـدوا مغيـره=وراحواعداهـم مـن ضََرهـم قتـايـل
ناسٍ لهم في الوقـت صولـة وجولـة=صالوا و! جالوا مـع عيـال الحمايـل
يشهد لهـم بيضـان وصـرار شاهـد=يـوم الثميـدي مثـل وبـل المخايـل
وأما الشعافيـن أهـل قـول وشهامـة=قوم الوفـاء والطيـب قـوم الكمايـل
عز الضعيـف اللـي حـداه الزمانـي=اللـي زمـانـه متعـبـه بالعـلايـل
يرقـد بـأمـان الله وثــم النشـامـا=قـروم الرجـال معدّلِـيـن المـوايـل
وسَمُوا الحنيشـي حـي ذيـك القبيلـة=امشيديـن المـجـد بـيـن القبـايـل
حاميـن حــدّان الـدِّيـر بالبـنـادق=رَسَـوا ورَسَّـوا مـن بقلبـه غلايـل
سقـم الحريـب وعـز مـن ينتخيهـم=تاريخهـم مثبـوت مـا هـو بـزايـل
هــذي قبيلتـنـا وهــذا نسـبـنـا=متسلسـل ٍبالمـجـد مـابـه فشـايـل
من جدنا حسيكي إلـى الجـد ناصـر=الناصري حارث مـن أهـل الشكايـل
حسيك بـن ناصـر وناصـر لحـارث=وحارِث مُعرَّب مـن جميـع الرذايـل
حنا الحظـر والبـدو منـا الشـلاوى=قـوم الشهامـة حـي ذيـك الفصايـل
ألاد شالـي ناصـره مرجـع إلـهـم=منـا وفينـا بالنسـب نـعـم طـايـل
وحنـا بنـى الحـارث قبيلـة عريبـة=تاريخنـا واضـح ولابــه ضـلايـل
يـوم المغـازي كـل عايـل نـصـده=بمسلـبـاتٍ فــي يديـنـا نـقـايـل
يامـا خذينـا مـن قـروم الـرّجـال=ويامـا قعـد خـلٍ لِخـلـه يخـايـل
يوم إنهـا مـا بيـن سـارق وناهـب=وكلٍ على خصمـه يسـوق الأصايـل
صلنـا وجلنـا فـي قديـم الليـالـي=نَغلِب ونُغلَـب ليـن صـارت عدايـل
واليـوم أبـو فيصـل حكمهـا بسيفـه=وعـم الأمـان بفضـل رب الجلايـل
وكلٍ عَـرَف دربـه وأخذهـا سنانـي=إلا الخبيـل اللـي بعقـلـه خبـايـل
والخاتمـة مـاودي أجحِـف بقـولـي=ولا أريد افتِّح مبهمات الرسايل خمسين
بـيـت مرتـبـاتٍ عـلـى قـــاف=نقيتها وأبعدت عنها العظايل وصلاة ربي
عــــد مــــن زار مــكــة=علـى شفيـع الخلـق يـوم الهوايـل

يا سـلام الله لكـم عـد همـال الربيـع=عد بـرق لابـرق فـي مزونـه هلهـا
ياسلامي يارفيق معـي فـي كـل ريـع=يارفـيـق رفقـتـه غالـيـة ماملـهـا
مايصون الرفق غار الشجيع ابن الشجيع=يعرف أحداث الزمن كثرهـا مـن قلهـا
ياقبيلة سانعونـي علـى العلـم السنيـع=ون شرهة كل ديـره علـى مـن حلهـا
عزوتي سموا بني الحارث السيف الوريع=تحـت بارقنـا نهيـن العـدا ونذلـهـا
انشدوا غامد وزهـران والغلبـا سبيـع=ونشـدوا عنـا رجـال البقـوم وقلهـا
ونشدوا العتبان من نجد ليا ديـرة ربيـع=مانسـب النـاس لاكـن مانمهـل لهـا
لبسنا مرتاً على المعتـدي سـوه سريـع=زادة الصت الحمـر والعـدا تـب لهـا
وآخـر العلـم الوداعـة تسلـم للوديـع=أحمد الله واشكـرة والفرايـض صلهـا