فاحت دلالك يالغلا قرّب الهيل=من غبت ريح الهيل مافاح فيها
نبي نحرك راكدات الفناجيل=مبطي تحرى ريحتك تحتويها
تعال اقهويك الوله لأخر الليل=واسقي عروقن ناشف الدم فيها
كنت اتحرى من الضمى لمعة السيل=شحّت غيومك ماروتني يديها
لاشفت في حضن السما نجمة سهيل=يطري علي ارقى المعالي واجيها
والا انت لاشفتك تشفّقت بالحيل=مثل الغريب ليا لقا دارٍ يبيها
ربي طلبتك حالنا صابه الميل=وين الدروب اللي ترده واجيها
وهذي دلالي جبتها وينه الهيل=ابطت وريح الهيل مافاح فيها