يالربع انا ماشوف للشور قيمه = لا صار ماقدمك امقابل وسماع.
ناسن تحد انفوسها للهزيمه = ويجمعون الهرج بالمد والصاع.
أن جيت تنصح بالسلوم القديمه = راحو على حد السما وانت بالقاع.
الشور يصلح للرجال الفهيمه = اللي لهم بالجود مدخل ومطلاع.
اهل المراجل والوفا والعزيمه = شخوص الرجال اللي يعرفون الاسناع.
رجال ياخذ حقته من خصيمه = بأحسن كلامن ماحصل زجر ونزاع.
ورجال مايفهم سوات البهيمه = واليا هديته للدواليل ماطاع.
الا تجره بالرسن والشكيمه = (مثل الحصان اللي يقديه مصراع.)
ياعزتي للي ردي(ن) نديمه = وهرج السنع عنده مثل ضايعن ضاع.
أن طبت كنك فاعلن به جريمه = تقول له مخلص وياصفك خداع.
تعطيه هرجة ناصحن من صميمه = ورده عليك امن الزعل طق الاصباع.
ما ينفع القلب المريض أتعليمه = وقدوة ابن ادم كلها بين الاضلاع