16 Jan 2017, 07:14 AM
|
|
لو تركب النبرات في بعض الالحان
لو تركب النبرات في بعض الالحان
اني لجر الصوت جر الربابه
اما يطفي خافق بات ولهان
والا يسري هاجس فك بابه
لاكنها تنشب معي بعض الاحيان
لي نبرة مثل العوا في الذيابه
وعندي حبال الصوت في الحلق عدمان
لاهوب من حزني ولا من كئابه
وفي داخلي من لاهب البعد نياران
والجو ساطع مابه ايه سحابه
لي نبرت دايم بها الحزن مليان
ماهو حزن محبوب ولا غيابه
جريتها مره والى الحين ندمان
ويويل منهو قد سمعً ياذهابه
جريتها مابين ضايق وطربان
وجبت الذي في العيد م احد جابه
لو انها ركبت لحونه معي كان
حطيت من جزل القصيد بحسابه
ماهو من المعنى ولاهو بالاوزان
الساس ثابت والشموخ اعتلابه
عندي ثقه ترجح على كل ميزان
ولااخاف من ناقد والا من رقابه
اقدر اللبسها على الروس تيجان
يوصل بها السامع حدود الرتابه
توقيع : النايش | |
|