شبكة الشدادين - عرض مشاركة واحدة

الملف الشخصي للكاتب · توقيع : نورة


	طريقة عمل الاقط من حليب الماعز بالصور موضوعنا يتعلق بـ( الإقط ,, البقل ,, الجميد ,, المضير ) نبذه بسيطه عن الإقط : هو من طعام البادية وهو طريقة للإستفادة من الحليب في أيام الوفرة في الربيع حيث يكثر الحليب بسبب وفرة المراعي الخضرا بعد هطول الأمطار فكانوا يخضون الحليب حتى يصير لبناً وهو الحامض الطعم . تعددت الأسماء الإقط - البقل - الجميد - المضير والنتيجه وحده .. بتشوفون معاي في هذا الموضوع وشلون تسوون الإقط .. هذا لبن الغنم ... للكميه هاذي استعملت 2 جالون .. تضيفون له شوية ملح اذا تبونه مالح واذا تبونه حامض ممكن تخلونه برا الثلاجه حتى يتحمض شوي .. تجيبون لبن الغنم وتحطونه في قدر .. ترفعونه على نار هاديه .. وبتشوفون مع الوقت انه بدأ يتجبَن وينفصل السائل عن الإقط .. صور عده .. و لـ تسريع العمليه ممكن اننا نصفي الماده المتجبنه عن المصل .. ونحطها في قدر ثاني .. طبعا اذا صفيناه نرجعه على نار هاديه مره ثانيه علشان تجف كل السوائل الي فيه هذا المصل مانبيه خلاص .. وهذا إقطنا على النار ولآننسى نحركه علشان مايحترق وهذا شكله بعد ماجف وهاذي الكميه كلها .. ( بعذره لو كان غالي ) .. نقوم نكوره حسب الحجم الي تبونه .. أنا خليته ميني .. وتشكلونه . تحطونه على شاش أو منشفه نظيفه علشان تمص الرطوبه الي فيه واذا خلصتوا تغطونه وتحطونه بالشمس حتى ينشف تقريبا مع شمس الرياض يبيله يوم واحد أنا للأمانه حطيته جوا مطبخي لمدة يومين .. زوووم مثلكم هنا غطيته ورفعته وطبعآ يقدم مع المهيله أو الشآي وكل نفس وما تحب تفضلوا الله يحييكم طبعا تحطونه في علبه وتدخلونه الثلآجه على طول وعوآآآفي مقدمآ