قبلة الطيبين
يا مرابي قيا يا ( قبلة الطيبين )=جعل يسقيك ربٍ حاامي أم القرا
في مناكبك مجدٍ تسبره كـل عين=وفيك ما يشغل الدنيااا ولا ينشرا
من مشى بك يشوف الأرض ما هي بطين=كيف عاد أهلها اللي من ظهور أومرا
كل شبرٍ من أرضك لو تطول السنين=الذهب من يلومه لو يعود ورا
سحب الأمجاد فوقك تبهج الغانمين=كلٍ يشوش راسه يوم برقه سرا
طيبنا مدرسة وأفعالنا في الجبين=سيرةٍ ينطق بها أمّي وهو ما قرا
ما خلقنا عشان نزاحم العابرين=ثابتين و نحمد الله على ما جرا
الفخر كل يوم نخامسه باليمين=الله اللي عطانا والخلايق ترا
كل قاسي على وجه البسيطة يلين=ذا قدرنا على الدنيا وكلٍ درا
في قواميسنا ما فيه بكره تزين=ناخذ اللي نبيه ولا نعرف السرا
قوةٍ من ظهر قوة ودنيا ودين=وش بقى ما خذينا فوق وجه الثرا
توقيع : أحمد الشدادي | |
التعديل الأخير تم بواسطة السلطان ; 27 Apr 2024 الساعة 08:18 PM
|