12 Mar 2012, 07:12 PM
|
|
عادات غريبة ولذيذة
السلام عليكم ورحمة الله وبركاته
فيه كثير ناس لهم خصوصية في أكلهم ولهم خلطات عجيبة وغريبة ما أدري من وين يجيبونها بس تشوفهم
طايرين فيها وعاجبتهم بعد وينصحونك أنت تجربها كذلك ,, يعني فيه ناس تحب تحط الشطة في كل شي
هي الشطة حلوة في بعض الآكلات بس مو أي آكلة تتقبلها يعني صاروا يحطونها حتى في الشوربة
والهريس ماادري الجريش ,,, وكذلك الكاتشب أنا شفت عيال عمي يحطون الكاتشب في
الجريش كرهوا علي شي اسمه جريش ماادري كيف امهم مخليتهم
وإلا الشيبس هذا فيه إبداعات تكسر الخاطر يخلطونه مع الزبادي أو اللبن ويحطونه في الفطيرة
ياأمي وش ذا الكبد إلي عليهم وتتحمل
وإلا يقولك فيه وحدة تحط مع الحلاوة الطحينية " بصل " ياربي رحمتك
وفيه ناس ماياكلون الخيار إلا لما يغمسونه في السكر - سبحان الله -
ما أبي أطول عليكم وإلا عندي خلطات ... الله المستعان
// أعطوني أغرب عادات في الأكل سواء عندكم أو عند أشخاص تعرفونهم ؛؛؛؛؛
سلامي عليكم ... وتحياتي
|