يا معيض ابا اهديك النصيحة واودعك = اسمع كلامي كان قلبك تكانه
حاذور خلان الرخاء لا تضيعك = والرجل يفطن في مشورة اخوانه
إن قلت لك هرج ٍ ترى الناس تسمعك = ترى الرجل يا معيض قفله لسانه
لا تتبع الخايب لو أنه يتابعك = يطرحك من مرقا العلا للطمانه
وإليا جهلت الناس طالع باصابعك = والفرق بين الحر والحدر جانه
انزل بمنزال عن الهون يرفعك = جاك الخبر والهرج يكفي بيانه
أبوك من خالك عن الجد ناعتك = والعود ينبت في محله مكانه
وأليا ترديت العرب ما تطاوعك = ويوصفونك مثل عشب الدحانه
الله على الدرب الموافق يسنعك = على طريق المرجلة والديانه