اشتعل جمر الغضى واحرق حشاي=واستلذت بنت ابوها بالحروق
بلوتي بلوى وهقواتي بلاي=لا امطرت نوّه ولا شفنا بروق
احتري غيث يخفف من ضماي=حروت الاعمى لميقات الشروق
مادريت ان الغلا ماهو غلاي=لين غنتني على كل الطروق
غادرت بأول دقايقها معاي=واصبح الفارس بنظرتها سروق
مادرت عن ماتسبب في شقاي=وان شوقي ماوصل شرواه شوق
شربتني كاس واحسب فيه ماي=واثر سمّه قام يمشي بالعروق
ضاعت ايامي وانا رايح وجاي=والبلا بالقلب عيّا لا يروق
واقبلت دنيا الشقا واقفا هناي=وارد بالطيب ومصّدر بعوق
قلت اعوّد من خلاي وفي خلاي=ارتشف همّي ولكن ما ابوق