قصيدة أبكتني

السلام عليكم

حبيت انقل لكم قصيده ابكتني
انشالله تعجبكم
يواسيني وانا الميت
قصيدة كتبها شاب عمل حادث سيارة و والدته كانت معاه ..
الوالدة توفت و هو اصابته كانت خفيفة .. و هذي الأبيات قالها للي يواسونه

يواسيني وانا الميت وحالي يجبر الدمعات=تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات= يجبروني عشان امشي ورجلي ما تمشيني
قتلت رعايتي بيدي قتلت الحب والرحمات =حرمت النفس من حقها وانا ابكيها وتبكيني
وكنه حلم قدامي يقيدني من الصرخات =ابي اصحى ولكني عجزت القى ال يصحيني
فداك القلب يايمه ومهما قلت من كلمات= صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات =صحيح اني ولد طايش وكل ما أسمعه فيني
تجول عيونهم فيني تفصل مني قياسات= وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة =وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات=وصار الهم عكازي اباكيه ويباكيني
عطيتيني بدون حساب ولا سمعتك تقولي هات =وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات =واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات =تعالي غيري هالقول واطيعك باقي سنيني
واترك عادة التدخين وانفذ ما تبي بسكات =واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات =ابيك انتي ولا غيرك على موتك تعزيني
وضميني وداويني مثل ما كانت الهقوات =ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات =انا مقوى ابكيك اذا انتي تبكيني

إنا لله وإنا إليه راجعون

الله يرحم امه ويرحم اموات المسلمن


ومشكوره يا نور الهدى وعساك ما تفقدين غالي

لا حول ولا قوة إلا بالله

قصيدة مؤثرة جداً

مشكوووره على نقلك اختي نور

إنا لله وإنا إليه راجعون

مشكوره اختي على هالنقل والله يرحم ام الشاعر

مودتي

الله يرحم ميتهم

وإنا لله وإنا إليه راجعون


تسلمين يا نور على النقل

مشكورين على مروركم

لا حول ولا قوة الا بالله العلى العظيم 0 لاهنت يا نور 0 تحياتي


اخوك ابن مهرس2008

القصيدة محزنة فعلاً ومبكية يا نور الهدى

وكان اختيارك لها قمة في الذوق والجمال

تسلم يديك والله يعافيك