الي شاعرنا واعي

السلام عليكم ورحمة الله وبركاته

ضيف جديد وحبيت ان تكون أول مشاركه لي مع الشاعر واعي وبدون قصور فالاعضاء الاخرين(لكي تحسب لي نقطه مع شاعر المنتدى)

ياواعي قرب شوي ودوك=أخر حروف الشعر طازه

من قلب همه معاه صكوك=قدهو بنى فالصدر فازه

أصبحت في يدها مملوك=والقلب والله ماجازه

كيف العمل والطريق سلوك=في شخص مالي به العازه

كلاش,,,

يامرحبا ياكلاشنكوف
حياك الله ابيات رائعه وفي انتظار

شاعر المنتدى واعي

حياك الله يا كلاشنكوف وليس كلاشن كوف
لازم تنتبه للكلمات وصحة كتابتها
المهم

الله يحييك ويا هلا بك بهذه الكسرات
والمنتدى منتداك وأبو عبدالله أكيد بيكون له حضور هنا

		المشاركة الأصلية بواسطة : كلاشن كوف اقتباس
	السلام عليكم ورحمة الله وبركاته ضيف جديد وحبيت ان تكون أول مشاركه لي مع الشاعر واعي وبدون قصور فالاعضاء الاخرين(لكي تحسب لي نقطه مع شاعر المنتدى) ياواعي قرب شوي ودوك=أخر حروف الشعر طازه من قلب همه معاه صكوك=قدهو بنى فالصدر فازه أصبحت في يدها مملوك=والقلب والله ماجازه كيف العمل والطريق سلوك=في شخص مالي به العازه كلاش,,,

الله يحييك بين إخوانك
في منتدى الشدادين

واستلم طال عمرك والمعذرة على التأخير

سنّد عليه ليا بذوك=طبيب في الحب وانحازه
مايستوي فالهوى ياخوك=لغز ذكرته من ألغازه
الباب من بينكم مصكوك=ممقوت والشرع ماجازه
طبع الغنادير لا حبوك=طبعٍ تطاروه في كازة
ناديت وقرومنا لبوك=وحنا هل العلم وانجازه

حياك الله يا كلاشنكوف ويا مرحبا بأبياتك

ولاهنت يا واعي وصح لسانك على الرد الوافي

		المشاركة الأصلية بواسطة : رعد الجبوب اقتباس
	وفي انتظار شاعر المنتدى واعي

الله يحييك يارعد واعي
موجود وأبشر بالسعد
دمت بخير ,,,

		المشاركة الأصلية بواسطة : السلطان اقتباس
	وأبو عبدالله أكيد بيكون له حضور هنا

طبعاً بيكون لي حضور وأبشر
بعزك يابو عبدالله وهذه بيتين بمناسبة مرورك

احضر واشرف ماقفي لا دعاني=لو تكبر القالات ترجع ولا شيّ
ابشر بعزك ياعريب المجاني=اسد فالازم ولا همني حيّ
وياللي هقيت الطيب فيه تراني=من فوق هقوات النشاما لنا فيّ

		المشاركة الأصلية بواسطة : فيصل بن مهرس اقتباس
	حياك الله يا كلاشنكوف ويا مرحبا بأبياتك ولاهنت يا واعي وصح لسانك على الرد الوافي

فيصل بن مهرس
مرحباً بك ملايييين والله يحييك
حضورك ومرورك الطيّب أسعدني كثير
دمت بخير ,,,

السلام عليكم ورحمة الله وبركاته

صباح...مساء الخير

دام البقاء ياوريث ملوك

ياشخص كل الوفاء حازه

للشعر عندك فروع بنوك

قافك حطب والفكر قازه

قد قال همي ترى غشوك

والخبز معروف خبازه

من حولي كل الوطى لي شوك

لاحي أمشي ولاجنازه

اللي ملكني بدون صكوك

ياواعي وشلون نجتازه

كلاش,,,