ما هو بكفو الوقت حبك يمحيه .. { ابن فطيس }

قصيدة أعجبتني وأتمنى تنال رضائكم

لابن فطيس



[rams]http://dl079.zshare.net/stream/8faaa7a794ca4f8f4e5c78c9acab636c/1258024046/59546529/______%20__________%20_________01_.mp3[/rams]

ماهوب كفو الوقت حبك يمحّيه =ياللي تخاف صروف الايام تمحاه
ارتاح دام ان المواصل يقويه =انت . انت وانا . انا وقلبي هو إياه
حتى ولو بتغيب ذكراك تكفيه =ياواحدٍ تكفي عن الناس ذكراه
حُبك على رملة خفوقي مواطيه =ورياح عذلي عَنك ماتمسح خطاه
واللي يعذل القلب عن درب غاليه =( يالله عسى اللي يبلا المواليف يبلاه )
اخفيه يابلفيت والحال يبديه =ادناة واحد ينظر الحال يقراه
اخفيه فيه ومعتنيٍ به وحاميه =عن كل عينٍ ودها تنزل حماه
قلبٍ يحبك والهوى الذرب ماليِه =كانك مكذبني بعينك تحلاه
شرط . ان تشوفك فيه منت بحواليه =ويمكن تشوف ديار واماكن رعاه
وشوف به تمثال والوقت هاريه =وبتشوف زرعٍ ميتٍ واقفٍ ماه
وبتشوف جرحٍ فيه سكين راعيه =راح ونسى السكين والجرح ينخاه
وبتشوف حصنٍ عجّ الاقدار سافيّه =وبتشوف باقي بيت . راعيه خلاه
لا تنزعج . هذا خفوقي وباقيه =ولا تضايق من تصّدع زواياه
قَد زلزله فرقا وهزة عراويه =والله ستر والحظ عانه وعافاه
كانه صلح لك واعجبك . زيد تبينه =ابنه وجهزّ للمقابيل مبناه
ابغيك بس من المفارق تداريه =وازهل من ايداري شعورك ويدراه
وحلل وحرّم فيه . ياأبرك بلاويه =وحله وراع ارضاي ورضاك وارضاه
جعلك بعد بعض الوجيه . امحق وجيه =ناسٍ مراتعها الرفيق بتقفاه
انواع . واخطر نوع مانيب ناسيه =نوعٍ على تفريق الاثنين مسعاه
تلقاه دوم . وكل يومٍ تلاقيه =واذا بغيت الصدق ماعاد تلاقه
وإلا انت . ردك كُل مادعيك لبيه =انشهدٍ منتوا بفي عيني اشباه
منت بمعى العالم . ولا تقولي ليه =انت ادرى مني وفي جوابي وفي احواه
كذيه ومن الله يازين وإليه =واغلى طروش القلب ودواه من داه
الحلم ياتيني بزولك واراعيه =وفي كل حلم اقوم قبل اتحفاه
واعشق سميك في البزارين وادعيه =واقبل خطاه الا اخطى واتلقاه
واسمك يروعني اذا مرّ طاريه =واحب ملقوفٍ يسولف وطراه
وامرّ بيتك من بعيدٍ ولا اجيه =وانا لو انه في يدي ماتعداه
حتى تواير موتري تلتفت فيه =تبغي تلفّ ويستحي العقل والجاه
وصلك يخيط الصدر والبعد يفريه =ويابري حالي كان صديت برياه
ويلي على ادري حبنا ويش تاليه =وويلي على ادري وش ورى الغيب ويلاه
عشان اشوف اذا محبتك ترفيه =والله لاقفي عنك . استغفر الله))

الله يا بنت البدو
يا كثر حبي لهذا الشاعر
اللي بالفعل يستحق يكون شاعر المليون الأول
القصيدة غاية في الجمال والروعة
وتسلم يديك والله يعافيك

سلمتي بنت البدو على هذا النقل الراقي
لشاعر راقي

اخــفــيــه يـابـلـفـيــت والـــحـــال يــبــديـــه

ادنــــاة واحــــد يـنــظــر الــحـــال يــقـــراه

صح لسان ابن فطيس وسلمت يمينك يابنت البدو

الله على الأبيات والشيلة الرائعة
كل الشكر لك اختي

بنت البدو

نقل رائع وأختيار اروع

		المشاركة الأصلية بواسطة : السلطان اقتباس
	الله يا بنت البدو يا كثر حبي لهذا الشاعر اللي بالفعل يستحق يكون شاعر المليون الأول القصيدة غاية في الجمال والروعة وتسلم يديك والله يعافيك

صحيح يستحق لقب شآعر المليون

ربي يسلمك من كل شر

يالسلطـآن

شآكره لكِ توآجدك

		المشاركة الأصلية بواسطة : وافي الشدادي اقتباس
	سلمتي بنت البدو على هذا النقل الراقي لشاعر راقي

شآكره لك مرورك
وآفي الشـدآدي

		المشاركة الأصلية بواسطة : دخيل الدوسري اقتباس
	اخــفــيــه يـابـلـفـيــت والـــحـــال يــبــديـــه ادنــــاة واحــــد يـنــظــر الــحـــال يــقـــراه صح لسان ابن فطيس وسلمت يمينك يابنت البدو

شآكره لك مرورك
دخيل الدوســري

		المشاركة الأصلية بواسطة : رعد الجبوب اقتباس
	الله على الأبيات والشيلة الرائعة كل الشكر لك اختي

شآكره لك مرورك

رعــد الجبوب