ترى الموت واحد لا ملاذ ولا مجناب

السلام عليكم ورحمة الله وبركاته
يسعدني بان اقدم لكم هذاه الأبيات المتواضعه
امل ان تحوز على رضاكم والقصيده قلتها
حين ارسلو قادة العرب الى كمب ديفيد لاالتفاوض
مع العدو الصهيوني برعاية الولايات المتحده الامريكيه
ملاحظه لاحب تكثيف المشاركات ولكن لكم علي
حق كون الإعضاء الجدد اتو بمشاركات جديده


يقولون ريح الحرب هبت على الابواب‏
............وانا اقول يبكيها القصيبي وابن جبر
ترا الموت واحد لا ملاذولا مجناب‏
..................حياة البشر يتبعلها الموت والقبر
يموت الملا بسباب ولابدون اسباب‏
................بربيع العمر ولا ورا الشيب والكبر
ولا يستوي من حط ذكره على مرقاب‏
.............:...معا اللي رحل لا منه علم ولا خبر
ترا الموت يسوا عيشة الخايف المرتاب‏
....................جميع اليالي سود وايامها غبر
تشوف العرب فيها يموتون موت كلاب‏
............وعزانا بضبط النفس والحلم والصبر
ولا صيب منهم واحد جهزو الاسراب‏
............وصواريخهم تظرب من العبر لا العبر
قبلنا الكفيل وضيع الحق والطلاب‏
....................مواعيد واعلومآ عفا ديمها سبر
وش اللي جنينا كود ضحك على الاشناب‏
...............قضت الاربعين العام والكسر ماجبر
هجوم على الاسلام حرب على الارهاب‏
........................وبروق تلوح بغيمة نوها زبر
تصاريح رنانه معا مظهرآ جذاب‏
...................عليهم ثيابآ بيض وبشوتهم وبر
.ياعبدالله ابن سعود يامجري الهياب‏
................زبون الدخيل ووافي الباع والشبر
ترا غيركم غدارومنافق وكذاب‏
................تموت القلوب السود ووجيهها غبر
وسلامتكم

يبدو ان ألقصيده لم تعجب احد من اعضاء
المنتدى ؟؟
عموما اسلم واعوضكم والمجال مفتوح لنقد

على هونك يا شاعرنا
على هونك يا أبو محمد

مواضيع المنتدى كثيرة جداً
وكلها نمر عليها وما نترك منها شيء

وقصيدتك من روائع المشاركات وتستحق القراءة
وتستدعي الوقوف عند كل حرف منها يا الذيب

بيض الله وجهك ولا هنت
وصح لسانك وطال عمرك

وهات المزيد رعاك الله

ياعبدالله ابن سعود يامجرى الهياب
زبون الدخيل ووافي الباع والشبر
يستاهل ابو متعب والله يطول عمره ولايحرمنا منه وينفعبه الاسلام والمسلمين ويكثر من امثاله ,,,,والله يرحم الحال وانا اخوك وينصر اخواننا المسملين اين ماكانو ,,وصح لسانك مليارات واكثر على هالجزاله والقوه في المعنا والمبنا شاعر متمكن وقصيدتك مايكتبها اللى شاعر من العيار الثقيل
تقبل تحياتي,,,

تسلم يالغالي على التميز
000000000000000000

وعليكم السلام ورحمة الله وبرركاته ,,

حيااك الله يابو محمد ,,


تصاريح رنانه معا مظهرآ جذاب‏=عليهم ثيابآ بيض وبشوتهم وبر
.ياعبدالله ابن سعود يامجري الهياب‏=زبون الدخيل ووافي الباع والشبر
ترا غيركم غدارومنافق وكذاب‏=تموت القلوب السود ووجيهها غبر


لاجديد مبدع والله يعلم صح الله لساااااااانك وصح قلبك وكلك ولاهنت جزل ومعهود بالجزاله ,,

تحياتي وتقديري لك وشكري ووافر احتراامي .

اخوي/سعيد القحطاني
اولا الله يحييك ياصبي قحطان
وصح لسانك وسلم بنانك يالنشمي
قصيده شامخه بشموخ شاعرها
تقبل مروري وخالص تحياتي

ارحب ارحب يابومحمد صح السانك ملايين يابعدي قصيده شامخه كاشموخ شاعرها
تقديري واحترامي
وبنتظار جديدك ونبي غزل هالمره ياغالي

شكرًا للإخوان والخوات الذي مرو من هنا
وأخص بالذكر

السلطان

بدر الشدادي

خالد العبيريد


عبدالله العواضي

وحي الالم

فهد رزيق

جزل البيان

موسى الصايغ

شكرًا لكم جميع وتقبلو تحياتي
وصادق ودي ولاهنتو