|
||||||||||||||||||
متاهات الحياة
ليلةٍ ما هي غريبة مثلها مثل الليالي=انطح جيوش المواجع واجمل احلامي غنيمه الفجر بيني وبينه كل ما كرر سؤالي=مثل ما بين المعذب والملذات القديمه كل ما حاولت أسلي خاطري ما هو بسالي=الحزن نار بدويٍ والصدر مثل الهشيمه من دخل مع باب صدري راح يرضيه انفعالي=لو يزعله الهدوء الخارجي والا يضيمه شايفٍ موتي وشايف شيٍّ يشتت خيالي=وشايف أشياء في عيوني ليتها ما هي عظيمه هجمة اللوعات والضيقات خلتني لحالي=مثل شيخٍ ما هو معود على غبن الهزيمه فاقد لّي شي واجد والله أعلم وش جرى لي=صارت الدنيا بعيني ما لها معنى وقيمه ضاع عمر ومات حلم وشاب راس و راح غالي=يكذب اللي قال نفسه من غثى الدنيا سليمه في متاهات الحياة السرمدية وش بقى لي؟=غير طاعة ربنا اللي كافلٍ رزق اليتيمه من حفت رجلينه وقام يتودد لليالي=والله انه ما يحصل من عطاياها غنيمه
|
03 Jun 2024, 11:48 PM | [ 2 ] | ||||||||
مؤسس شبكة الشدادين
|
رد: متاهات الحياة
حياك الله ويا هلا بك يا أبو سلطان شاعر ومبدع وما قصرت والله يبيض وجهك لي ملاحظة بسيطة على القصيدة وهي تكرار كلمة (غنيمة) في نهاية عجز البيت الأول والأخير وفقك الله وننتظر منك المزيد |
||||||||
|
|||||||||
يوم أمس, 12:24 AM | [ 3 ] | |||||||
عضوة متميزة
|
رد: متاهات الحياة
صح لسانك ملايين أخوي أحمد قصيدة أكثر من رائعة وما هو غريب عليك الابداع ودائماً نقول لك ننتظر المزيد |
|||||||
|
||||||||