رد القدم من على شفة الهول

جات المثايل عريضات وطوال=ولاهمني حسبة العرض والطول
تبقى بنود الرديه على جال=والمقديه ترضي النفس وتجول
كم راس مجتثه القيل والقال=واكبر مصايب بن ادم من القول
الخيل تعسف وبيدين خيال=والشعر مضمار فرسان وخيول
يامهتويها على درب الاهوال=رد القدم من على شفة الهول
امعامله وقتها بالسرا طال=وامعاملات انجزوها على طول
قبل امس مخلوق من طين صلصال=واليوم تطغى على الناس وتصول
ماتستوي لك على الكيف تفصال=مره موضف ومرات مفصول
اليوم وزنك على قدر الاموال=واقفى بميزاتها راعي المول
ان جيت بريال تسوى لك اريال=ويميز المرحله لبس مريول
يرخص على تالي الوقت رجال=وناقه بمليون للعنق ورجول
يافال قف لي على الدرب يافال=وش بعد حظ التميسه مع الفول
تلفي خطانا على بعض الازوال=والخط ينسد لويزعل الزول
الفرد ياخذ من العم والخال=والكل يلقى من العرق مدخول
مافاد زود التناهيد ياحال=اصبر وتعتادها تالي الحول

اخوي ابو عادل

لله درك من شاعر جميل
شهادتي فيك مجروحه
واصل التغريد خارج السرب
لك كل الشكر على ابداعك المتواصل
وتفضل بقبول فائق الاحترام

		المشاركة الأصلية بواسطة : حطاب ليل اقتباس
	اخوي ابو عادل لله درك من شاعر جميل شهادتي فيك مجروحه واصل التغريد خارج السرب لك كل الشكر على ابداعك المتواصل وتفضل بقبول فائق الاحترام

اخي وعزيزي حطاب ليل
حياك الله وحيا ماجيت به
وماعليك زود
شاكر لك على هذا الحضور المشرف
والتعليق الراقي
لاهنت ولا عدمناك

سفير وشاعر

صح لسانك ملايين والله على هاالجزاله وتقبل مروري واحترامي ياالامير

		المشاركة الأصلية بواسطة : احمد الروقي اقتباس
	سفير وشاعر صح لسانك ملايين والله على هاالجزاله وتقبل مروري واحترامي ياالامير

صح بدنك يالنشمي
وانت الامير بأخلاقك العاليه
بيض الله وجهك ووجيه من عقبوك

كفو والله يا شاعرنا العزيز
والله يحييك ويسلمك
ما قصرت وصح لسانك

		المشاركة الأصلية بواسطة : السلطان اقتباس
	كفو والله يا شاعرنا العزيز والله يحييك ويسلمك ما قصرت وصح لسانك

ماعليك زود اخي السلطان العزيز
وصح بدنك
ولا هنت ولا عدمناك

بارك الله فيك ع الابيات الرائعه
شكرا لك

		المشاركة الأصلية بواسطة : فارسة الأحلام اقتباس
	بارك الله فيك ع الابيات الرائعه شكرا لك

مشرفتنا فارسة الاحلام

الله يبارك فيك
ولاهنتي