ذي سماوتك من عند الشدادينا

بسم الله الرحمن الرحيم

أخواني الأعزاء إليكم هذه القصيدة للشاعر سعد بن شبيب الحطابي الشلوي
قالها في مبدأ بني الحارث على البقوم بشأن تسمية البقمي على نواف بن عايض الحارثي

أول القول ذكر الله مبادينا = قبل نظم القصيد ونظمت اشعاره
ياسلامي على قيف ٍ يوالينا = عد نو ٍ صدوق ٍ هلت امطاره
من بقوم ٍ مقادمهم سلاطينا = ماضي الوقت ما تخفاني اخباره
يا سمي حشمتك زرنا الرحامينا = ربع نواف جوك اليوم زواره
أخذ رمز الوفاء من فعل أيادينا = أخذ سيف ٍ ودوك مفتاح سياره
ذي سماوتك من عند الشدادينا = قوم ابن مهرس اللي تقتبس ناره
من بن الحارث كعام المعادينا = عز للضيف والعاني بمقداره
لو بغينا يجي من جمعنا ألفينا = كان جاء قيف بين أسود ونماره
اختصرنا لكم ميه وعشرينا = من جموع ٍ على الشواف نظاره
حشمة ٍ للذي سمى بأسامينا = ابن عايض وربعه جوا له ازياره
مار غالين جينا عند غالينا= والمواجيب لزّامه وجباره
ثم ختامي على سيد المصلينا = صفوة الخلق يوم ربي اختاره

ابن المهر سلمت ولاهنت

قصيده جدا رائعه

صح لسان ابوشبيب وابو شبيب شاعر وحكيم وعزالله انة ينصابة فى كل مجال

سلمت يالامير على ما تكتب لنا من تواريخ الابطال ياهلا بالعلوم الجزله

سلمت يمناك يابن مهرس على النقل
وصح الله لسان قايلها

صح لسان ابن شبيب على هالقصيده وعز انه زي ماقال على متن التمني ينبدابه وينغزابه.

الله يعطيك العافيه يابن مهرس

حياكم الله

ذي سماوتك من عند الشدادينـا=قوم ابن مهرس اللي تقتبس ناره
من بن الحارث كعـام المعادينـا=عز للضيف والعانـي بمقـداره

ونعم والله في الشدادين وربعهم بني الحارث

وصح لسانك يا أبو شبيب وبيض الله وجهك يا ابن مهرس

حياك الله يالغالي