|
||||||||||||||||||
قصيدة في مطلق بن مشعل الشدادي
قصيدة في/ مطلق مشعل الشدادي من الشاعر/عبدالله بن صالح القفيعي الشمري أشكرك ياشبل مـن أشبـال الشدَّاديـن=مطـلـق بــن مشـعـل حـبـس الكمـيـنـا حيـث إن مثلـه مــن رجــال مسمـيـن=ضياغـم مـن سـاس الـعـرب منتميـنـا لا ذكرتـهـم بالشـيـن صــاروا براكـيـن=لـلـضــد مـخـزيــن ولــــه محـرقـيـنـا عـلـى الأصـايـل يعتـلـوهـن مجـانـيـن=يــا مـــا يـبــيــن الــحـــق للـعـارفـيـنـا ياحـلّـت الـقــالات بـيــن الخصيـمـيـن=خصـيـمـهـم بــعــد الـقـســاوه يـلـيـنـا أمّــــا يـلـيــن بـطـيــب وألا بـثـنـتـيـن=وألا بــــذاك الــحــد حــــد الـسـنـيـنـا علـى المـراجـل مــن قـديـم وذلحـيـن=مـا هــم بـسـلـم جـدودهــم مسـرفـيـنـا أولاد ضيـغـم مــن خـيـار السلاطـيـن=مـــــن يــعـــرب الأول متسـلـسـلـيـنـا فـرسـان بالدنـيـا وبالـفـخـر والـديــن=وبـالـحــق فــرســان حــتـــى يـبـيـنــا عـنـد الشـدايـد ينـتـخـون الـشـداديـن=لـسـلـوم ضـيـغـم جــدّهــم مـجـدّديـنـا عـلــى فعايـلـهـم نـســوق البـراهـيـن=حـيــث إنــنــا نـعـلــم عــلــم اليـقـيـنـا إن الضيـاغـم هــم أشـبـال العريـنـيـن=عـريـنـهـم يـمـنــع عــــن المعـتـديـنـا أربـــع قـبـايـل حـاربـوهــم مـعـاديــن=حـرب علـى الأشـهـاد عـبـر السنيـنـا ضـيـاغـم عـلــى المـعـاديـن قـاسـيــن=قـاسـيـن وقسـاوتـهـم عــيّــت تـلـيـنـا مايـنـزلـون ألا بـــروس الشـيـاهـيـن=حـــــــرار دوم بــالــعـــلا مـعـتـلـيـنــا فرسـان نجـد اللـي تـدوس الميـاديـن=حماة الوطن حماة الضعن والضعينـا لـلـجـار حـامـيـن وبــدمّــه مـثـاريــن=مـــن سـبـعـة الأفـخــاذ ثـــار ثـمـيـنـا سبعـة رجــال ثـمـن جــار الشّـدّاديـن=فـخـارهـم يـسـمـو عـلــى الفاخـريـنـا لادارت رحى الحـرب بيـن الحريبيـن=حـريـبـهـم حــبّــه تــحــوّل طـحـيـنــا أشبـال ضيغـم فـي صـدور الدواويـن=بـالــقــمّــه الـعــلــيــا مـتـمـركـزيــنــا بـيــن القـبـايـل آل ضـيـغـم عـنـاويـن=مـثــل الـجـبــال وتــزبّــن الخايـفـيـنـا ربع إبن مهرس عند نصب الموازين=ميـزانـهـم يـمـيــل صــــوب اليـمـيـنـا عـنـد الرمـايـه يضـربـون النيـاشـيـن=وبـالـمـرجـلـه والـعــلــم مـتـفـوقـيـنـا ومدحي لهـم بعـد الفعايـل هـو الزيـن=والـمـدح مــن بـعــد الفـعـايـل يـزيـنـا بالـوعـد وافـيـن وللـضـيـف مـقـريـن=مـايـذبـحــون ألا خــيـــار الـسـمـيـنـا صديقهـم يلقـى السماحـه مــع اللّـيـن=بـاأقـوالـهــم وأفـعـالـهــم صـادقـيـنــا ومطلق أبو نايـف خـذا البـاع باعيـنب=الـمـنـسـب الـشـريــف متنومـسـيـنـا أبـــو نـايــف لاثـــار فـــك المـخـلـيّـن=الـلــي بــديــار الــغــرب متـورطـيـنـا أفـعـال لـيــث مـــن جـــدود قديـمـيـن=لـهــم بـسـبـق الـمـجـد حـبــل متـيـنـا من عصر عابـر والجـدود القحاطيـن=والـطـيـب بحـمـاهـم ولـــه محتمـيـنـا تـاريـخ يـعـرب والـجـدود العريـبـيـن=بـكـتـب الأسـاطـيـر القـديـمـه قـريـنـا شـمّ الأنــوف مترفعـيـن عــن المـيـن=شـمّــر عـلــى الـشـامـات مترفـعـيـنـا عبـده حـمـول الخـيـل مـاهـم خفيّـيـن=تـاريـخــهــم بـالـكــتــب يـاجـاهـلـيـنـا بــآل عـبـد الــرب والنـسـب سامـيـن=سـمـاتـهـم تـسـمــو بـدنــيــا وديــنـــا وصلّـوا علـى الخاتـم خـيـار النبيـيـن=شفيـعـنـا يــــوم الـحـســاب المـبـيـنـا
|
18 Apr 2014, 08:47 PM | [ 2 ] | ||||||||
|
رد: قصيدة في مطلق بن مشعل الشدادي
لاهنت طال عمرك على الإيراد الطيب كل الشكر والتقدير
|
||||||||
|
|||||||||
19 Apr 2014, 03:44 AM | [ 3 ] | ||||||||
عضوة متميزة
|
رد: قصيدة في مطلق بن مشعل الشدادي
صح لسان الشاعر
وتسلم يمينك على ايرادها |
||||||||
|
|||||||||
19 Apr 2014, 12:29 PM | [ 4 ] | ||||||||
مؤسس شبكة الشدادين
|
رد: قصيدة في مطلق بن مشعل الشدادي
هلا بكم والله يحييكم ويستاهل مطلق كل نوماس |
||||||||
19 Apr 2014, 01:04 PM | [ 5 ] | ||||||||
عضو متميز
|
رد: قصيدة في مطلق بن مشعل الشدادي
يستاهل أبو مشعل كل خير رجال كفو وعليه العلم ومبداه طيب مع ربعه كلهم |
||||||||
|
|||||||||
19 Apr 2014, 01:44 PM | [ 6 ] | |||||||
شاعر
|
رد: قصيدة في مطلق بن مشعل الشدادي
صح لسان الشمري والله يبيض وجه مطلق راعي العلوم الغانمة كلها |
|||||||
|
||||||||
20 Apr 2014, 09:11 AM | [ 7 ] | ||||||||
مؤسس شبكة الشدادين
|
رد: قصيدة في مطلق بن مشعل الشدادي
أهلاً بكم جميعاً والله يحييكم شاكراً لكم حضوركم ومشاركتكم |
||||||||
20 Apr 2014, 09:15 AM | [ 8 ] | ||||||||
عضو متميز
|
رد: قصيدة في مطلق بن مشعل الشدادي
و الله و النعم بالرجل و القبيلة اللي هو منها صح لسان قايلها و لا هان ناقلها
|
||||||||
|
|||||||||
20 Apr 2014, 08:27 PM | [ 9 ] | |||||||
|
رد: قصيدة في مطلق بن مشعل الشدادي
صح لسان القايل ولاهنت السلطان على طرحها |
|||||||
|
||||||||
20 Apr 2014, 09:53 PM | [ 10 ] | ||||||||
مؤسس شبكة الشدادين
|
رد: قصيدة في مطلق بن مشعل الشدادي
هلا بكم والله يحييكم ويستاهل أبو مشعل كل خير |
||||||||