الف مبروك يامنتدانا

بسم الله الرحمن الرحيم

الحمد لله رب العالمين ..والصلاة والسلام على
اشرف الانبياء والمرسلين ..سيدنا ونبينا محمد
عليه افضل الصلاة واتم التسليم... اما بعد
اعضائنا المخلصين ومشرفينا الاوفياء ..ومراقبينا الاعزاء
ومؤسسنا المحترم
السلام عليكم ورحمة الله وبركاته
يسعدني ويسرني ان اهنئكم وابارك لكم ولنفسي بهذا الحدث المميز
وهو دخول منتدانا عامه السادس
وعقبال مية سنه قدام يامنتديات الشدادين
وكل عام والجميع بخير وصحه وسلامه
انتم للابدااع عنوان وللتميز مرسى
دمتم بكل الخير والحب
ودامت منتديات الشدادين من تقدم لتقدم
تحت ظل سلطان الشدادين

ابا ابدى في بيوت الشعر باسم الواحد العلام=ولا غير الله المعبود يوجد ناس علامه
بعدها ياهجوسي والله اني لا اتعب الاقلام=واسوق القاف سوقي للجمل واجود خطامه
مدامي شاعرٍ مبدع ولبحور الشعر عوام=ابكرم كل من في ذا الزمن قدم لي اكرامه
وابارك للقروم اللي نظرهم دائماً قدام=تعلوا في سماء الابداااع حتى شدو حزامه
وفوا للمنتدى واخذوا على مر السنين وسام=وسامٍ فوق روس النايفات ترفرف اعلامه
ترى صرح الوفاء والطيب شامخ كل يوم وعام=وهذا اليوم يدخل منتدانا سادس اعوامه
ولن قاله ولي العرش ربي طيلة الايام=ليبقى منتدانا كل عام معلق وسامه
ولكن ياولد عمي تطمن واحتزم بحزام=ترى في يدك سيفٍ يرعب اللي كثرت احلامه
وانا قد الكلام اللي نطقته والوعد قدام=ومن يعكس طريق السير ماينجا من اعدامه
ولا تشقى من اللي فالمسيله ينصبون خيام=ترى السيل القوي لا سال شال فلان وخيامه

اخوكم الغربي
عيد بن عبيد بن سلطان الشدادي الحارثي
مع السلامه
وإلى اللقاء فالاسبوع القادم

شاعر جزل يالغربي لله درك
ونبارك لانفسنا جميعاً العام السادس على هذا الصرح الشامخ
والشامخ باعضاءه ومؤسسيه الكرام ..
كل عام وانت بخير وصح لسانك ..

الغربي

تشكر على تلك القصيده اللتي واكبة أحتفال المنتدى في عامه السادس

ونقول صح لسانك وبيض الله وجهك وأنت شاعر ولا فيك حيله

ترسل للجميع ولك تقديري الجزيل

ولكن ياولد عمـي تطمـن واحتـزم بحـزام

ترى في يدك سيفٍ يرعب اللي كثرت احلامـه

وانا قد الكلام اللـي نطقتـه والوعـد قـدام

ومن يعكس طريق السير ماينجا من اعدامـه

ولا تشقى من اللي فالمسيله ينصبـون خيـام

ترى السيل القوي لا سال شال فلان وخيامـه

ماشاءالله إبداع بالغربي
وربي قصيده روعه
أقول ليش ماتشارك في شاعر المليون <<سؤال صريح ترى
جد إذا نويت تشارك مني أنا أخذها كلمه وربي ليفوزك دكتور غسان بس لاتنسى مية الف ع جنب<<طوسي بس

صح لسانك ياشاعرنا

صح لسانك يامهندس الحرف


أبدعت بما هاضت وجادت به قريحتك الشعريه الفذّه


لاعدمنا هذا الإبداع ..

		المشاركة الأصلية بواسطة : اقتباس
	ترى صرح الوفاء والطيب شامخ كل يوم وعام=وهذا اليوم يدخل منتدانا سادس اعوامه ولن قاله ولي العرش ربي طيلة الايام=ليبقى منتدانا كل عام معلق وسامه ولكن ياولد عمي تطمن واحتزم بحزام=ترى في يدك سيفٍ يرعب اللي كثرت احلامه وانا قد الكلام اللي نطقته والوعد قدام=ومن يعكس طريق السير ماينجا من اعدامه ولا تشقى من اللي فالمسيله ينصبون خيام=ترى السيل القوي لا سال شال فلان

صح لسانك ملاييين وكفووووو ياعيد وماهي غريبة عليك هالجزالة ..

مبدع ياأمير الحرف ومروّض القيفان ..

ودام المنتدى فيه مثلك وشرواك يحق للسلطان يحتزم بحزام

كل عام وأنت بخير وكل عام ومنتدانا من تطوّر لتطور ..

يعطيك ألف عافية وسنة خير على الجميع بإذن الله ..

صح لسانك وعلا شانك اخوي الغربي

انت مبدع وقصائدك لها نهج مميز

ونكهة خاصة لايجيدها الا انت يابو عبيد

طال عمرك ودام نبع قلمك ايها المبدع

تحيتي لك

,’

والله صح لسآنك يآ الغربي

وكل سنة وانتآ بخير و نشوف ابدآعك وشعرك في شدآدين .com

دآم عطآئكـ

,’

قصيده جزله
صح لسانك وبيض الله وجهك
والله يعطيك العافيه يارب وننتظر جديدك

صح لسانك يا ابو عبيد ولاهنت على هالرائعه

شاعر ولا فيك حيله وعقبال 100 عام لمنتدانا أن شاء الله

تحياتي لك