((صـدق اليقين))رساله لابني عمر رزيق!!

الاخوه الاعزاء اداري واعضاء
((شبكة الشدادين الرسميه)) الموقرين
تهنيه من القلب للجميع بمناسبة حلول شهر رمضان المبارك وكل عام والجميع بخير
بين انضاركم رساله حبرها دمي للابن الغالي الاستاذ الصحفي(عمر رزيق الحارثي) املي ان تحقق المقصود وتخفف من قسوة الحياه التي تواجه الكثير من الرجال وان توكد للغالي ان الليالي
مهما تكن قاسيه فليس هناك اكثر من سحابت صيف وتعدي وحريا بالايام ان تثبت ذلك مستقبلا وان يكون على يقين بأن من يحبه معه قلبا وقالبا متمنيا له التوفيق والسداد
كما ارجوا ان تحوز على رضاكم وتكون شافعا لي من حيث التواصل معكم الذي جعلته الضروف اقل من مايترتب عليه وجوبا لهذا الصرح الشامخ الذي يهم الجميع ان يكون في المستوي
الذي يليق به وفق الله الجميع لمايحبه ويرضاه انه سميع مجيب والسلام عليكم ورحمة الله وبركاته ودمتم،،،،

ياليل حالآ على بالي وحلي نكال= شقيت نفسي عبط هولك وممعن بصوب
لو كنت مجنون ياذرب النشاما والعيال=كفاك قولك وفعلك والقدر قدر مكتوب
لو الليالي ضعيفه في وجيه الرجال=شفت الردي والهلامه بالخطم والسحوب
الوقت يبغى خيار القوم عند النزال=ويجنب اهل الضعافه في جميع الدروب
والحرب بين الخصوم الله جعلها سجال=اماتساووا مقام القاضيه بالقضوب
لاعلمتك الليالي من يمين وشمال=تقدر تفاهم مع الايام لو هي حروب
كم للطويله فواصل في وجيه الطوال= وتلقى علي قدها رجال صادق تتوب
فعلاً حقيقه على قدر المواقف كمال=رجال ياقف وهو مؤمن وكله ضروب
المستحيل المهايط لوثبت بالمحال=ماكان غفران ربك فوق كل الذنوب
يابوك بعض الخواتم قاضيه للجدال=لاشفت شمس الضحى جمرة غضا فالغروب
والله وانا بوعُمَر ماللدلايل مثال=يشرح من الحب كلمه نابته بالقلوب
وان سايس الحرف ابوك وطاب جزل المقال=عاجز يعبر عن الكلمه بحق الوجوب
لو داير الناس جمعاً ثبتوك احتمال=انا احتمالي يخالف مايقول الكذوب
كلن يرى نفسه اكبر من كرام السبال=وحتى التنافس شرف جعل المنافس يذوب
ارضى لولدي يكون اكبر وأفاخر عدال=واقول يقدر يقف دوني نهار الخطوب
اسمع من القول والمنطق وشعري زلال=والي بقلبي بقلبي مايخاف الهبوب
ترى الإجابه تجي مفروض قد السؤال=وماال السعىه بالشمال ألابصدر الرحوب
أخير ماقلت في قولك مجمل خصال=ولاشبت النار في صدرك بصدري شبوب
قفله بقفله وجزله من صميم الجزال=وحب القلوب المؤزر مايفله غصوب
عُمَر على قدها بالضبط دون اختلال=والدم في عرق واحد بالجري والرسوب
مالك من الذل خله في جميع الخلال=ومالك عن الحق حادي فالسوى والقلوب
تغور كل البشر وتروح وانته تعال=واخوك جنبك وانا جنبك بقيد النشوب
ياسيد ابوه امنح البال السعه بالوصال=وحنا امام الرجال نقوم حق ونثوب
والي بعينك تشوفه يستحق الجلال=عيني تشوفه بعينك عين حق وعقوب
واسلم وسلم معك بالرايقه وأنفعال=صدق يقين اني معك ولاتفكر بالهروب

صح السانك يابن خليفه مليون ولايسدون وبيض الله وجهك والله يخلي لك ابناءك ويخلي للجميع ابناءهم ويجعلهم ذخر للامة الاسلامية وقدوة حسنه
تحيتي لك

.
.







جَزلْ آلبَيَّآنْ

حَيَّآكَْ الله وَ بيَّآكْ ، وَ بُورِكَ لكَ مَآتبقىَّْ مِنْ شَهر آلخَيِر
وَ مَرحباً وَ مسهلاً بِـ/ قآفٍ أنتَ منْ صَآغهَآ وَ أَبََدع
فيِهَآ أَحرِفِكَ هُنآ كَآَنتْ كَ نسيِمْ فَجرٍ وَ نوُرٍ شَفيِفْ
فَ صَّح الله نبضُكَ وَ سَلِمْ حَرفُكْ وَ منطوُقكَ
وَ حَفِظَ الله لكَ عُمر وَ وفقَّه فيِ كُلْ مَجآلآته
طِبتَ بسعآدة

		المشاركة الأصلية بواسطة : بدر الشدادي اقتباس
	صح السانك يابن خليفه مليون ولايسدون وبيض الله وجهك والله يخلي لك ابناءك ويخلي للجميع ابناءهم ويجعلهم ذخر للامة الاسلامية وقدوة حسنه تحيتي لك

اخوي/بدر الشدادي
صح بدنك يالغالي وسلمت
شكرا على هذا الاطراء العطر والمرور الراقي
لاخلى ولاعدم
تفضل بقبول تحياتي وصادق الود

		المشاركة الأصلية بواسطة : ! سارة الغيد ! اقتباس
	. . جَزلْ آلبَيَّآنْ حَيَّآكَْ الله وَ بيَّآكْ ، وَ بُورِكَ لكَ مَآتبقىَّْ مِنْ شَهر آلخَيِر وَ مَرحباً وَ مسهلاً بِـ/ قآفٍ أنتَ منْ صَآغهَآ وَ أَبََدع فيِهَآ أَحرِفِكَ هُنآ كَآَنتْ كَ نسيِمْ فَجرٍ وَ نوُرٍ شَفيِفْ فَ صَّح الله نبضُكَ وَ سَلِمْ حَرفُكْ وَ منطوُقكَ وَ حَفِظَ الله لكَ عُمر وَ وفقَّه فيِ كُلْ مَجآلآته طِبتَ بسعآدة

اختي/سارة الغيد
صح بدنك وسلمتي يابنت الرجال
شكرا على هذا الاطراء العطر والمرورالراقي
الشهر مبروك وكل عام وانتي بخير
تقبلي تحياتي
وصادق الود

كفو والله يا أبو محمد
والله يحفظ لك جميع أبنائك
ويجعلهم فخراً وذخراً لك
ويطيل بعمرك لهم

صح لسانك ولا هنت

صح لسانك والله يبيض وجهك وقصيده طيبه

وموفق يارب والله يعطيك العافيه

جزل البيان
صح لسانك وبيض الله وجهك
شاعر جزل وفقك الله

صح لسانك يابن خليفه

ودائماً مبدع

وكل عام وأنت بخير والشهر مبارك

يا الله على الأبداع


والله أقف إحتراماً لهكذا بوح .. لهكذا تميّز .. لهكذا إبداع يا جزل البيان


نص رائع واطربني اطربني حيل يا جزل


صح لسانك ولا هنت