|
||||||||||||||||||
زمول المحبة
.. أضـغـاث الأقـلام ما تعـني بحور الخليل=ودّك بــتــقـلـيـدهـا .. ولاّ بــتـجـديـدهـا لـ أخطت قناعتك منها ما عطتك الذبيل=ولا يـنـفـعـك بين خـلـق الله تـرديـدهـا وأنا عطيت الـقـوافي كل صـدرٍ جـزيـل=وألبستها عـقـد عـجـزٍ زان بـه جـيـدهـا كله لـعـيـن الـوفـاء يوم الوفي ما يمـيل=قطفت عـذب المـشاعر من عـناقـيدهـا حبيبتي كـل جـرحٍ من يديـنك جـمـيـل=الله يكـثر جــروحـي مـنـك ويـزيـدهـا واللي عطاك الحلا وأعطاك طرفٍ كحيل=إن أجمل أيـام عـمـري معك يا عـيدهـا تمرجحي وسط قلبي جعل عمرك طويل=وإسـتمـتعي بالحـياة اللي على قـيـدهـا خلي همومك تغـادر حـان وقت الرحيل=فكّي قـفـول الحـنـايـا وأطلقي قـيـدهـا وأنـا بما يسعدك ويـسـرّ عـيـنـك كـفـيل=ياللي عليك الـلـيالي طـال تـنـكــيـدهـا أردّ طـرف المواجع عن جـنابك كـلـيـل=وآغيض الأيام في ضحكتك وآكـيدهـا لا تحسبين السـعـادة ما تجي بالـقـلـيل=أحيان الأشياء تكـمـل عند تـجـريـدهـا من (فيمتو الثانيه) في كيميا احمد زويل=شوفي صغار الأمور وعـُظم تـمـجـيدهـا شالت زمـول المـحـبّـه كل حـمـلٍ ثـقـيل=والناس بـتـمـوت ما خلّت مــنـاقـيـدهـا اللي يعرف الأمل ما يعرف المـسـتحـيل=وحـرايـر الـفـكـر ما ترضى بـتـعـبـيدهـا قالوا قبل (كن جميل تشوف كلش جميل)=وأنتي جـمـال الحياة اللي على قـيـدهـا فـهـد سـفـر
التعديل الأخير تم بواسطة السلطان ; 12 Nov 2021 الساعة 02:08 PM
|
12 Nov 2021, 01:47 PM | [ 2 ] | |||||||
عضوة متميزة
|
رد: زمول المحبه
مبدع ومتميز أخوي فهد حضور جديد وقصيدة مميزة صح لسانك والله يديم عليك التميز والابداع |
|||||||
|
||||||||
12 Nov 2021, 02:07 PM | [ 3 ] | ||||||||
مؤسس شبكة الشدادين
|
رد: زمول المحبة
ارحب ملايين يا أبو سفر والله يحييك تحية المطر مبدع ولا فيك حيلة طال عمرك والله يبيض وجهك وصح لسانك |
||||||||
|
|||||||||
12 Nov 2021, 05:06 PM | [ 4 ] | |||||||||||||||||||||||||||
شاعر
|
رد: زمول المحبه
صح الله بدنك لا خليت منك |
|||||||||||||||||||||||||||
12 Nov 2021, 05:07 PM | [ 5 ] | |||||||||||||||||||||||||||
شاعر
|
رد: زمول المحبة
وصح الله بدنك لا خليت منك ولا هنت على التعديل |
|||||||||||||||||||||||||||
13 Nov 2021, 10:44 AM | [ 6 ] | |||||||
عضو جديد
|
رد: زمول المحبة
صح لسانك قصيدة فخمة معاني جزلة ومفردات قوية |
|||||||
التعديل الأخير تم بواسطة السلطان ; 13 Nov 2021 الساعة 05:24 PM
|
||||||||
13 Nov 2021, 01:33 PM | [ 7 ] | ||||||||
مراقب عام
|
رد: زمول المحبة
صح بوحك وجزالة حرفك اخوي فهد ابدعت برائع ماتدوون وتجلب لنا تميزمنك استمرر حافظك ربي وعافك |
||||||||
|
|||||||||
19 Nov 2021, 03:42 PM | [ 8 ] | ||||||||
عضو متميز
|
رد: زمول المحبة
سلمت وسلم غاليك يا فهد وما قصرت وبيض الله وجهك على هذه القصيدة وهذا التميز |
||||||||
|
|||||||||
19 Nov 2021, 07:59 PM | [ 9 ] | ||||||||
مراقب عام
|
رد: زمول المحبة
مبدع ابو سفر في حضورك وقصيدك |
||||||||
|
|||||||||