آخر 10 مشاركات |
مختارات | قال تعالى : { وَجَاءتْ كُلُّ نَفْسٍ مَّعَهَا سَائِقٌ وَشَهِيدٌ } |
|
||||||||||||||||||
مرثية في الشيخ دخيل بن هلال الشدادي
يا أبو سعد جيناك وقت الزيارة=جيناك ماتدري عن اللي يزورون عودت كن الكبد فيها حرارة = والحال مني يا ابن هلال مغبون يا ونتي ونة كسير الجبارة = ونة خفا ما عني الناس يدرون عليك ياشباب ضو المنارة = والبيت ضيفانه يروحون ويجون اليا لفاه الضيف يلقى وقارة = يكمل له الماجوب والرزق مضمون يكرم بني عمه وضيفه وجاره = ومن كل دار بربعة البيت يلفون ذبح القعود اللي كبير فقاره = ومفطحات فوقها الربع يدنون مع سفرة تقول سفرة وزارة = يوم الضعوف عن المواجيب يزرون وإن جاه مديون شكى من إعساره = يرتاح باله عقب ما كان مديون وإن جاه من ضاعت عليه الشطارة = يوقف بجنبه لين الآخصام يقفون ومن دون ربعه مايحسب الخسارة = قال ابشروا باللي تبون وتودون يا جعل في الجنات مصدر قراره = مرحوم ياللي يوم عشرين مدفون عقبه قيا حزن وذقنا المرارة = ما غير نصبر ونتجرع بليمون والحال يا ماجد يزود انهياره = شفني عليل الحال من دون في دون البيت شبوا بالحطب في وجاره = ترى ضيوفه كل ساعة يمرون بيت بوسط القاع تقول قاره = ومجالس ماقفلوها بكيلون والطيب ورث جدود ما هو بعاره = ورث الجدود اللي على الطيب يمشون نبكي شهر واسبوع ليل ونهاره = ومن غيرنا ناس كثيرين يبكون يبكونه آهل البادية والحضارة = ويبكونه اللي في المساجد يصلون وتبكيه عفر ريعت في الزبارة = إلها شهر ما طالعت فيه بعيون ومعارض مبنية للتجارة = آحد يبيع ابها وبه ناس يشرون اللي يمين الخط واللي يساره = وإلها طويلين الشوارب يلفون يا آصحاب ابن هلال زوروا دياره = ترى عياله مثل فعله يسوون تلقون بن وهيل زايد قتاره = وغير الجمايل للوازم يسدون ما مات من يخر خلافه نماره = لازم على دربه ونهجه يسيرون الله يعل الموت ياخذ خياره = ما ياخذ إلا كل رجال دندون كب الرخوم محفرين الجحارة = وآخذ رجال في اللوازم يقومون وفي كل يوم يصبح القلب غاره = ماني بلا صاحي ولاني بمجنون والله لآشق الثوب وارمي زراره = وآصيح مع جملة عيال يصيحون ونبكي على شيخ بعيده آنظاره = صليب راي وفي المهمات مامون
التعديل الأخير تم بواسطة عيد الشدادي ; 28 Sep 2012 الساعة 10:55 AM
|
21 Sep 2012, 08:38 PM | [ 2 ] | ||||||||
عضو متميز
|
رد: مرثية في الشيخ دخيل بن هلال الشدادي
صح الله لسانك والله يرحم ابو سعد ويسكنه الجنه ,,,,,,,,,,,,,, |
||||||||
21 Sep 2012, 08:58 PM | [ 3 ] | ||||||||
|
رد: مرثية في الشيخ دخيل بن هلال الشدادي
صح لسانك اخوي الشاعر .. أبوعيد والله يرحم الفقيد بواسع رحمته ويسكنه فسيح جناته |
||||||||
|
|||||||||
21 Sep 2012, 09:05 PM | [ 4 ] | |||||||
عضو متميز
|
رد: مرثية في الشيخ دخيل بن هلال الشدادي
لله ماأخذ وله ماأعطى،وكل شئ عنده بأجل مسمى فلتصبر ولتحتسب...والله يرحم الفقيد بواسع رحمته ويسكنه الجنة صح لسانك وبيض الله وجهك يا شاعرنا أبو عيدعلى هذه القصيدة ... تحياتي:أخــــــــــ النائف ـــــــــــــوك |
|||||||
21 Sep 2012, 09:18 PM | [ 5 ] | ||||||||
شاعر
|
رد: مرثية في الشيخ دخيل بن هلال الشدادي
صح لسانك يابو عيد ولاتهون فالحقيقه وقفت أكثر من مره مع هالقصيده الجزله ولا توفيها كلمة جزله حقها أبدعت يابو عيد ماشاء الله وهذا اسلوب الكبار اكيد وانت منهم أسلوب خيالي وحضور لكل الأحاسيس والله اني استمتعت بقرائتها أكثر من مره الله لايهينك والله يرحم ابن هلال شيخ ومشرف اسم كل حارثي وفقد مثله خساره ولا ألومك يابو عيد في إحساسك اللي منبعه حزن وفقد وحرقه وحراره عظم الله أجركم ياشدادين جميع في ابو سعد وعظم الله اجر كل حارثي وكل رجل شروى ابن هلال رحمه الله رحمه واسعه تحياتي |
||||||||
|
|||||||||
21 Sep 2012, 09:26 PM | [ 6 ] | ||||||||
مؤسس شبكة الشدادين
|
رد: مرثية في الشيخ دخيل بن هلال الشدادي
كفو والله يا أبو عيد وأهلاً بعودتك لنا والله يرحم أبو سعد ويغفر له ويجعل مثواه الجنة |
||||||||
|
|||||||||
21 Sep 2012, 09:29 PM | [ 7 ] | |||||||
أستغفر الله
|
رد: مرثية في الشيخ دخيل بن هلال الشدادي
صح لسانك يأبوعيد
والله يرحم الفقيد بواسع رحمته ويسكنه فسيح جناته |
|||||||
|
||||||||
23 Sep 2012, 05:37 AM | [ 8 ] | |||||||
عضو جديد
|
رد: مرثية في الشيخ دخيل بن هلال الشدادي
صح السانك يابو عيد وقصيده جزله تقبل مروري |
|||||||