يا راعي المـوتر اللي بايحٍ لونه

يــاراعــي الـمــوتــر الـــــي بــايـــح لــونـــه=اللـي مـن الشمـس راحـت معظـم الـوانـه
مـكـروف لـيـن انتـهـت جـلـدة دركـسـونـه=واربــــع سـكـاريــب تــلــزم روس بـيـبـانـه
مـــن مصـنـعـه ماتـغـيـر زيـــت سيـفـونـه=صـوت السبايـك عـلـى الجنبـيـن حنـانـه
ولابـــه انـبـيـر يـمـشــي وســــط طـبـلـونـه=سـيـورهـن مـــن قـديــم الــوقــت خـربـانــه
والـقــيــر لاعــشــقــوه اثــنــيــن يـنـســونــه=مايعـتـقـه لـيــن يـظـهـر زيـــت شـكـمـانـه
والمرتـبـه مــن بـطـون الـضـان مـدفـونـه=وجنـوبـهـا مـــن ثـقـيـل الـحـمـل هـريـانــه
ورفـارفـه جـنـب طـنــب الـبـيـت مـركـونـه=طــاحــت مـسـامـيـرهـا والــحـــال تـعـبـانــه
ماترحـم الـي مـعـك يمـشـي عـلـى هـونـه=مـطــفــي الـــنـــور والـرجـلــيــن حـفـيــانــه
يــســوق عــمــره عــلــى درب تـسـوقـونــه=قـلـبــه تـحــطــم وهـــــذا صـــــوت رمــانـــه
يــابـــو خـــــدود تـشــابــه خـــــدة فــلــونــه=مـاهـيـب مـــن رشـــة الـمـكـيـاج مـلـيـانـه
وبــريــقـــع صـــغــــروه الـــــــي يــســوونـــه=مــــــر يــغــطــي ومــــــر ذيــــــك لـحـيــانــه
والـجـسـم شـــي يــــدوخ مــــن يـشـوفـونـه=بـنــت مـــن مـقـابـل الـخـلـفـات فـسـقـانـه
ماهـيـب مــن دجــة المـوضـات مفـتـونـه=الــلــي مــــع الــســواق رجـلـيــه وهـجـانــه
الــوجــه مـكـشــوف والـخـديــن مـدهــونــه=ولا تــخــلــي ولا رجــــــال فـــــــي شـــانــــه
يـابـنـت شـــرع الـسـواقـه ويـــش قـانـونـه=يــــوم الـقـوانـيـن عــنــدك مـالـهــا خــانــه
قـالــت مــــع الــبــر مـمـلـوحـه ومـزيـونــه=جــــو يـغـطــي عــلـــى الـــــزلات مـيــدانــه
وســواقـــة فـالـمـديـنـه غــيـــر مـضـمـونــه=لا شــافــوا الـبـنــت كــــل طــلـــع لـســانــه
فــي زحـمـة الـنـاس كـــل يـفــرك عـيـونـه=تــقــول جـمــهــور فـــــن شـــــاف فـنــانــه
سواقتـي مــن ورى الابــرق ومــن دونــه=من خلـف نوقـات ابـوي وخلـف غنمانـه
الـشــايــب وحــيـــد والـرجـلـيــن مــرهــونــه=ولابـــــه اخـــــو يــقـــوم بـــــلازم اخـــوانـــه
مانـيـب اعـــرف الـبـحـر يـالــي تعـرفـونـه=ولا تـمـشـيــت تــالـــي الــلــيــل ســهــرانــه
ولابـــي الـنـاعــم الــــي يـسـحــب ردونــــه=الـلـي عـلـى طــول يـومــه يـاكــل الـبـانـه
شــفــي مـــــن الــبـــدو رجـــــال بـكـرتـونــه=مــــعــــرب راس ابــــــــوه وراس جــــدانــــه
يـصــلــي الــفـــرض لاقـــامـــوا يـصـلــونــه=ويصـوم شهـر رمضـان ويحـفـظ اركـانـه
ماهوب لا جا الضحى دنق على التونه=ولاقـــالـــوا الله اكـــبــــر شـــــــب دخـــانــــه
قـلــت اشــهــد انــــك سـنـافـيـه ودنــدونــه=والعـقـل نـعـمـه مـــن المـعـبـود سبـحـانـه

: )

حلوة كلمات القصيدة
سلمتِ يالغلا على الايراد
والله يعطيكِ العافية

درر درر
جمال والاجمل طرحك
يعطيك العافيه اختي

قصيدة ولاأروع
سلمتِ ولاندمتِ ..

هلا ومرحبا
يا بنت النشامى
تشكريني على مرورك

حياك الله
ياسعود
والله يعافيك يارب

هلا وغلا
فيك يا فارسة
نورتي وتشكرين على المرور

صح لسان من قالها وَ تسلمين والله يابعدي ماتقصرين

حياك الله
يا زهرة
اشكرك على هذا المرور

اختياار جمييل جدا
ابدعتي بالانتقاء والطرح
لاعدمنا هالتميز ’’’

ودي لروحك,,,,