يارجم

ياحظ وشبك تزرع دروبي أشواك = وأنا دروبي طيب مع من يطيبي
مومن بربٍ أجرا دورات الأفلاك = ورضيت باللي كاتبه من نصيبي
يارجم لي صحبه معك يوم أرقاك = وأشكي عليك الحال لو هو صعيبي
كم مرةٍ جيتك بعد ما المطر جاك = نابت حجاك وسال سيل الشعيبي
وأشكي لك همومي وحزني بمبداك = وجهك بشوش ووجه غيرك غضيبي
يارجم حظك ما زمانك تحداك = مانته سواتي شبت قبل المشيبي
ولا رماك الحظ مع ذا ومع ذاك = ناسٍ لها طبعٍ غريبٍ عجيبي
ناسٍ ترف أشنابها يوم تلقاك = بالضحك وأن قفيت ما لك صحيبي
وأليا نخيت أعزاك باروا بك أعزاك = احدٍ تعذر ,, وأحد طبعه يغيبي
لكن خلك شامخٍ تقهر عداك = مثلي ولك ربٍ حسيبٍ رقيبي

صح لسانك شاعرنا
ولاهنت على القصيدة الرائعة

اخوي/حمد المحياني
صح لسانك وسلم بنانك
قصيده رائعه واكثر
تقبل مروري وخالص الود

يامرحبا
بجزل البيان
مشكور
على مرورك



لاهنت