سمعنا ذوقك بقصيدة شعرية صوتية

,’








,’

,’







انت كانك فيك رحمة وقلبك فيه خوف=خاف ربك مر كبد الضمان وبلها
لاتعلقها على الوقت وحساب الظروف=الظروف اطلب عزيز الجلال يحلها
لو تجاهل جرح واحد وخليته يطوف=ويش عذرك وانت سبة جروحي كلها
لامتى وانا عيوني تحـرى للقـنوف=لا وصلني من مطرها ولا من ظلها
لامتى قلبي يعذرك وتقنعه الحـلـوف=كل ما قلت انتهى الصبر قال امهلها
كان به عقب التعب شي باقول مخلوف=البلا تقفي عليك السـنين بدلـهـا
ما على الدنيا وأهلها الى راحت حسوف=الحسايف موت نفـس الشجـاع بذلها
انتضرتك لين مليت من طول الوقوف=ما بقـا الا دمعـة ٍ ما قـدرت أهلـها
الدموع اتنقص الرجل وسلاح الضعوف=ما تنـاسـبني ولاني على درب ٍ لـهـا
وانت تدري كل نفسٍ على الدنيا عيوف=لو تجامـل عـام عامين ما يحصـل لهـا
كل ما فكرت احدك على الفرقى وسوف=اقنع النفس وتناسـا طـرى طـارٍلهـا
في رواية عـارفـه أو رواية فيلـسـوف=من يـدور حاجـته يتعــب وياصـل لـهـا
والتعب يقضي على النفس وتمل الشفوف=لو يطــول يصـيـبها بالمـلــل ويعــلهـا
كان ما صدقتني التفت فيني وشوف=شـوف حالـي من دروب العـنا يامـلهـا
وانت مشغلتك عيونك وخدك والكفوف=وان سـألــتك قلـت قل للقـصايد قلـهـا
ليه والترتيب الاول على كل الصفوف=من جمـالـك تسـتريح الـبـني احسـن لهـا
بس لو انك تحط النقط فوق الحروف=والنواقـص كـل ما تـنقصك تفـطن لـهـا
كان عطرت المشاعر وجريت الضيوف=واستفزيــت القصايد وجات بحـلهـا
وكل بيتٍ ما يجيلك على الذوق محذوف=لين اصفـيها على رغبـتك وازلـهــا
انت ما تشبه مناير ولاتشبه ريوف=خـل هـذي غـير عنـها وهذي خلـهـا
يا بعد هذي وهذي ويا بعد الالوف=انت من ما تـت علـيه الـصـدور بغـلـهـا
مرتكي لك في وسط جوف ومغطيه جوف=مستريحٍ بـيـن دق الضـلـوع وجـلـهـا
تحتك فراش الكرامه وفوقك فرو صوف=ان بغيـت اتشـلها وان بغـيت اتـفلـهـا
ولو بكيفي ما تشاهد خسوف ولا كسوف=لاتراســـلـك الاوادم ولا تـرسل لـهـا
غيرداو جروحي اللي من اسبابك وروف=لا تقول انه ما يوجـد لـديك ادوىٍ لهـا
من سواتك صار قلبي معرض للصدوف=كل ما حلـت مصـيبه طـلـع زبن الهـا
والعرب لو في يديها تقارير وكشوف=كان ما راحـت اتحط العـرب وتشـلهـا
ما يحس بلوعة العشق والعشق معروف=كـون من روحـه خيـوط الغـرام اتـلهـا
هذا انا عذبت نفسي على جرة هنوف=متعـب اقـدامي على دربـها لعـلهـا
ليه لا وانا الى من تذكرت الوصوف=اتذكر مهـرةٍ وصـفها وصـفٍ لـهـا
مـهـرةٍ خيالـها مـا تعديـها الســيوف=لو يبـيلـه ديـرةٍ في شوي احـتلـها
ليتها ماهي تعذر وتبعدها الضروف=وليتهـا ما هـي بـسبة جـروحي كلـها .

انتقاءات قمة في الجمال والروعة
تسلم أياديكم وقبلها أذواقكم
وألف شكر لكم

		المشاركة الأصلية بواسطة : حنين اقتباس

قصيده لا تقاوم
صح لسان الشاعر/سلطان الهاجري
وسلمت يديك ياحنين

		المشاركة الأصلية بواسطة : عــادل اقتباس
	,’ من سواتك صار قلبي معرض للصدوف=كل ما حلـت مصـيبه طـلـع زبن الهـا والعرب لو في يديها تقارير وكشوف=كان ما راحـت اتحط العـرب وتشـلهـا ما يحس بلوعة العشق والعشق معروف=كـون من روحـه خيـوط الغـرام اتـلهـا ليه لا وانا الى من تذكرت الوصوف=اتذكر مهـرةٍ وصـفها وصـفٍ لـهـا مـهـرةٍ خيالـها مـا تعديـها الســيوف=لو يبـيلـه ديـرةٍ في شوي احـتلـها ليتها ماهي تعذر وتبعدها الضروف=وليتهـا ما هـي بـسبة جـروحي كلـها .

صح لسان الشاعر
ولاهنت اخي عادل
مع خالص الشكر والتقدير

بعد ان تزايدت الحرب الاكترونيه والتهكير

للرفع