آخر 10 مشاركات |
مختارات | النوم: أرخص وأسهل وأسرع طريقة لتحقيق الأحلام |
|
||||||||||||||||||
يا حزنها رتّل معي تنهيدتي لا جفّ فوقي مزنها !
. ياحزينه ! دوريني في زوايا الياس... في ياس المدينة ! دوريني في ملامح وجهك الدافي وقولي .. : قولي : وينه !؟ شاعر ٍ ماحبّته بنت وبكى ! شاعر ٍ مانسّته بنت وشكى ! شاعر ٍ يركض ورى الأحلام والأحلام تهرب من يدينه ! دوري عنّه دخيلك فـ المرايا .. في وجيه أحلى الصبايا ! في النوايا ! في الزوايا ! في الهدايا ! فـ الزهور اللي تحبّك .. فلها مع ياسمينه ! دوري عنّه دخيلك في صباحك ! في دموعك .. وانشراحك ..! وسط حزنك ! وارتياحك .. وسط دفتر مل من نزفه ومن دمعات عينه ! دوريه ..! فالوجيه اللي تنادي فالغيابات الوجيه ! فالحنين اللي أبيه وفالأنين اللي يبيه ! ولابكى حزنه عليه ! ولابكيتي تذكرينه ... دوريه ! في عيون أطفال مرّوا ... وابتسامه ! وسط صمته .. لاجفا صوته كلامه ..! وسط دفترك الحزين .. يوم كنتي تكتبينه .. يوم صرتي تشطبينه ! دوريه .. لاغفى سمعك على صوته ونام ! فـ السكوت وفـ الكلام ! فـ الحمام اللي بصدره يوم طيّر لك حمام ! في ملامح صبح بارد كان بيدك تشعلينه ! أسألي عنه .. يدّينك ! واسألي بينك وبينك.! كيف مرّ فـ يوم عينك لين مات احساس عينك ! وانتي عينه !! ياحزينه .. !؟ . . و... آتنفّس رغم هذا الضيق في صدر المدينة ..! وآتبسّم حتى لو مابه ..... عصافير وأغاني ! وانتي أنتي .. مثل ماأنتي ..ولكنّك حزينة ! تربكين الدمع ويل الدمع من ضيق المحاني ! صح أنا مااخترت اكون إنسان يمكن تعشقينه ! بس انا ماخترت أكون إلا معاك انسان ثاني ! كنت اقول البحر ماينشد عن هموم السفينه ! صرت أقول اللحين دلوني على وجه المواني ! آه .. واللي خالق ٍ بي صوت يصعب تسمعينه ! ماقطفتك ( لحظة ٍ حلوة ) من أغصان الثواني ! أشبه احساسي ولاأشبه هذاك اللي ... تبينه ! شاعر ٍ من ضعت عندك ضاع يوم إنه لقاني ! أشبه اللي مرّ في صدري وانا مدري حنينه مثل هذا الفرح ..... هذا الجرح لامنّه بكاني ! أنسكب لك شي مثل المي ! يمكن تشربينه ! وارتوي بك شعر.. مثل الشعر لامنّه .. دعاني ! مثل هذا الحزن هذا الحزن لامرّ بـ سكينه ! مثل هذا النور مثل شعور من يدّي .. خذاني ! مثل هذا اللي يدوّر في يدينك .. عن يدينه ! مثل هذا اللي يمرّ اللحين كل اللي .. قراني !! مثل هذا اللي يحث خطاه ماتلحق .. سنينه ! مثل هذا اللي تشوفي كيف لو شفتيه جاني !؟ شاعرك لو ماتنفّس ضاق به صدر المدينة شاعرك لو ماتبسّم .... كان مارفّت أغاني ! أفتحي قلبك وشوفي وش ورى دمعات عينه يمكن تحسيّن باللي ماقوى ... ينطق لساني ! لايمر ّ الحزن مثل اللي يمرّ .. وفي يمينه ! قلب ماتنبض سنينه مثل .. نبضات الأماني ! من يقول الصبح هذا صبح ! واشياءه حزينه ! من يقول الناس مثل الناس ماحس ّ بحناني ! الحزن ماهو مثل ماشعر واحسّك .. تشعرينه ! الحزن لاجيت ادور لك وانا اجهل مكاني ! .
. ياحزنها ! رتّل معي تنهيدتي لاجف ّ فوقي مزنها !
|
14 Jun 2014, 12:00 PM | [ 2 ] | ||||||||
|
رد: ياحزنها رتّل معي تنهيدتي لاجف فوقي مزنها !
من جد في غاية الروعة سلمتِ يا الغالية ولاعدمناك
|
||||||||
|
|||||||||
14 Jun 2014, 12:22 PM | [ 3 ] | ||||||||
شاعر
|
رد: ياحزنها رتّل معي تنهيدتي لاجف فوقي مزنها !
الله على جمال الكلمات والشعر الله عليك يا عبث وعلى اختيارك الراقي استمتعت بقراءتها ~ تحياتي وتقديري |
||||||||
|
|||||||||
14 Jun 2014, 02:34 PM | [ 4 ] | ||||||||
|
رد: ياحزنها رتّل معي تنهيدتي لاجف فوقي مزنها !
تسلم يداك على روعة اختيارك موفقه دوما ياغالية |
||||||||
|
|||||||||
14 Jun 2014, 09:24 PM | [ 5 ] | ||||||||
مؤسس شبكة الشدادين
|
رد: يا حزنها رتّل معي تنهيدتي لا جفّ فوقي مزنها !
ابداع وجمال وروعة هذه القصيدة يا عبث احسنت اختيارها ويسلم ذوقك الراقي |
||||||||
|
|||||||||