|
|||||||||||||||||
موقف وقصيـدة
سلامي لكم من هاجسا يبدع الطيب = على كل شدادي براسه حميـّه من النوفلي قدر و سلوم و مواجيب = و تبقون منبر للعلـوم الوفيّـه السلام عليكم و رحمة الله وبركـاته, أول مشاركة لي في موقع الغانميـن و عساهـا تجملنّـي معكم وين انت عن سلطان ياخايب البين سلطان بن عايض حميد السجايا شيخآ معرب من شيوخ الشدادين وسند لبالحارث ليا جت حمايا عزالله اني كل ماشفت هافين اقول ياليته عطاهم مزايا يا عل تفداه الرخوم احمر العين ويسلم لنا حلال كل القضايا تلقاه لا جيته طليق الحجاجين يضحك ويفزع لك كريم الحلايا وليته معلمكم منه بس درسين يمكن تغير نهجكم يا الـهفايا وعيال بن خطفه الشيوخ الدنادين روس الشعيث اخطر سهوم المنايا كم موقـفًا عن ربعهم سدوا الدين بالفعل والحكمه وصدق النوايا وان قلت ابن عواض تاجّ الميامين عيد الفخر ذخر السباع الشلايا يكفي ليا مني ذكرته في البين قالو نعم باسمه سليل الدهايا ودكتورنا ساعد عسى عمره سنين ولد سعد واسمه مع أهل العلايا طبيب قلب وفزعه ومذهب ودين وشيمة عرابي مايعرف الدنايا وابن سعيد اللي تجمل في الاقصين وايديه بافعال المكارم ملايا هذاك ابو هاني ليا جاه ناصين اكرم لحاهم مايحسب الرزايا وبن طويرش والضباعي ونعمين بنوا بطيب السمعه اجمل بنايا سلطان والا خالد وفعله الزين ومن يجحده ماهو مبيح خفايا ولافي علي ياسعد من جوه لافين بالليث من جوده مسوي سوايا بالطيبه يذكر وعندي براهين وعليه من بيض الوجيه التحايا ولاني بناسي ذكر شيخ السوادين سعيد بن سودان جزل العطايا كم مرةً سدد ديون الفقيرين وكم ضيف يكرم في البيوت الندايا ويسلم قليل محزمي قاضي الدين من صلب نوفل عزوتي في البلايا هذاك ابوخالد زبون المخلين افخربفعله في المدن والقرايا وياليتكم تقرون في سيرة حسين شيخا بني له مجد بين البرايا وثادق عرفها اقصي العرب والموالين وعن ربعه مسجل جزال وهدايا وصايل مااعرفه لكن الناس دارين بفعوله الجزله وصدق النوايا ومن مات ربي يرحمه قولو امين والحي منهم جعل عمره مدايا وانا ما أحدد والكفو فعله يبين ألمّـح الكم عن كرام السجايا لعل يذكركم رفيق بجميلين وتخف عنكم سيئات الحكايا وانتم مناصب بس عنا مقفين رتب تشيل ازوال مدري بلايا الله يقلل مثلكم في الميادين يالي يديكم من شيمنا عرايا سفر بن دويس النوفلي
التعديل الأخير تم بواسطة السلطان ; 21 Sep 2015 الساعة 02:53 PM
|
20 Sep 2015, 11:23 PM | [ 2 ] | |||||||
<img border=
|
رد: موقف و قصيـدة
سفر بن دويس النوفلي هلابك وحياك الله والنعم بك وبالجميع وياهلا بحضورك تبارك الرحمن قصيدة جزاله ورائعه وفقك الله ورعاك وهلابك في منتداك سعداء بمشاركاتك الجمليه والرائعه والله يسعدك لك كل التقديروالشكر |
|||||||
|
||||||||
20 Sep 2015, 11:24 PM | [ 3 ] | ||||||||
مراقب عام
|
رد: موقف و قصيـدة
ارحب سفر وافي والطيب دائم ﻷهله مدهال صح لسانك وربعك الشدادين يرحبون بك في المنتدى وحﻻلهم الله يحييك. |
||||||||
|
|||||||||
20 Sep 2015, 11:28 PM | [ 4 ] | |||||||
شاعر
|
رد: موقف و قصيـدة
تسلمون وتستاهلون الطيبه تبقون منبر طيب ووفاء |
|||||||
21 Sep 2015, 02:54 PM | [ 5 ] | ||||||||
مؤسس شبكة الشدادين
|
رد: موقف وقصيـدة
يا هلا والله وألف مرحبا بشاعرنا العزيز ابن دويس شرفتنا يا طويل العمر والله يحييك نظمت وابدعت وما قصرت ويستاهلون ربعك بني الحارث كلهم كل طيب وترحيب ويض الله وجهك وصح لسانك وننتظر منك الجديد دائماً |
||||||||
|
|||||||||
22 Sep 2015, 12:55 AM | [ 6 ] | |||||||
شاعر
|
رد: موقف وقصيـدة
السلطان تسلم وتبقى انت والجميع والشرف تواجدي بموقعكم ياحزام الظفر ابشرو بالخير وتستاهلون الطيبه ياربعي |
|||||||
22 Sep 2015, 01:11 AM | [ 7 ] | |||||||
شاعر
|
رد: موقف وقصيـدة
يامال السعه ياصدري الي ملاك الضيق ضلوعك لها كم عام واشهور ماارتاحت تغانمك وجعات الزمن مع فكوك الريق تسابق عليك ودلة الصبح مافاحت للامانه الشعريه البيتين الاولى ليست لي واعجبتني وكتبت ماترون عساه يعجبكم وسعد المقصود هو الشاعر الكبير سعد بن فرحان الشلوي الا ياسعد والجزل من هاجسك ويليق بك انته وغيرك تتعبه مزنتا لاحت يقولون ماللصاحب الا صحيب يفيق على وجعته والا محانيه لاصاحت وانا للغدر والبخل ياصاحبي مااطيق ولا احب صحبه لو تصيح بها طاحت ادور لرفقة صاحبا مثل ضلع طويق تهب الرياح وقمة الضلع ما انزاحت زماني محيرني و الكذب والتصديق وعيني عن الي يدعون الوفا شاحت تحيرت من قوم السواليف والتلفيق وهواجيس شعري لااتركتني ولا راحت وتبقى وتسلم يابن عمي نهار الضيق حزام الظفر حتى لو القافيه باحت وسلامتكم |
|||||||
22 Sep 2015, 03:22 PM | [ 8 ] | ||||||||
|
رد: موقف وقصيـدة
حيّاك أخوي
وصح لسانك ملايين ولا هنت .. كل الشكر لك |
||||||||
|
|||||||||
23 Sep 2015, 08:00 AM | [ 9 ] | ||||||||
مراقب عام
|
رد: موقف وقصيـدة
صح السانك ع جزل الابيات الواافيه منك اخوي سفر دمت وطبت بخير |
||||||||
|
|||||||||