عمهوج

السلام عليكم ورحمه الله وبركاته
اخواني اعضاء ورواد منتدانا الشامخ
هذه قصيده بعنوان عمهوج اسم سياره احد اخوياي واسمه
محمد الهيضل من امراء الدعاجين من عتيبه كنت انا وياه
في رحله بريه وكان معنا سياره جمس وقال يابو متعب هذا الموتر
اسمه عمهوج وابي فيه قصيده قلت ابشريابو خالد غالي والطلب رخيص

كتبت هذه القصيده والرجاء من الاخوان اللي معهم نفس الماركات التي ترد في القصيده
يعذروني وحقهم على هههههههههههههههههه

افتحوا كل الدروب وسكروا كل الكباري= واعلنوا طلعت سمو عمهوج في كل المدينه
موتر(ن) غطى على الفكسار والجيب السفاري= واللكازز وايضن البي ام مايملن عينه
والشبح حتى ايش لو راعيه في شكله يماري = والله انه لو زعط راعيه حنا خابرينه
مامثل عمهوج في الخط المزفلت والصحارى = والله انه هو سفينة ارض كان الها سفينه
ضوح نوره لا لمحته وانت في جوف الغداري = مثل برق مزون صيف(ن) نحتري وابل غشينه
وان خطم قدام وجهك قلت من سحم الضواري = لين تسمع نغمت قزوزه تسولف للمكينه
وفتح بيبانه جناحين اشقرن هاز الحباري= هازهن ثم ماج عنهن وارتفع يبغي السمينه
اشهد انه كفوا في وسط المدينه والبراري = صممه كافر ولكن جعلها تسلم يدينه
جهزه في البيت الابيض وشحنه ثم جاك ساري= لين سلم صاحبه مفتاح سلفه في يمينه
قال هاك الموتر اللي مايباع لكل شاري= والله انه لجل خاطرك انت حنا مصممينه
واستلم مفتاحه محمد وحطه للطواري = وابو خالد طير حر(ن) كل ابونا عارفينه
راعي البرصا على سج الفيافي دوم ضاري= الصبح بالعاصمه والعصر يذكر يم لينه
اشهد ان الشيخه بطبعه لها عده مواري = الله يطول بعمر الشيخ والله لا يهينه
يستحق المدح مني ومدحه مليون غاري= سيفنا في حزت الضيقات دايم ذاخرينه

ملاحظه :
البرصا : فرس جد محمد الهيضل

مامثل عمهوج في الخط المزفلت والصحـارى=والله انه هو سفينة ارض كـان الهـا سفينـه
ضوح نوره لا لمحته وانت في جوف الغداري=مثل برق مزون صيف(ن) نحتري وابل غشينه
وان خطم قدام وجهك قلت من سحم الضواري=لين تسمع نغمـت قـزوزه تسولـف للمكينـه

بيض الله وجهك يا أبو متعب وصح لسانك

ويستاهل عمهوج إنك تفضله على الفكسار وحتى البي إم

غالي من غلاة راعيه ،،،، وكلٍ عند أهله حشيم

الله يسلمك ويطول عمرك ويا ليت نشوفك متواصل معنا على طول

		المشاركة الأصلية بواسطة : صالح بن هميجان اقتباس
	السلام عليكم ورحمه الله وبركاته اخواني اعضاء ورواد منتدانا الشامخ هذه قصيده بعنوان عمهوج اسم سياره احد اخوياي واسمه محمد الهيضل من امراء الدعاجين من عتيبه كنت انا وياه في رحله بريه وكان معنا سياره جمس وقال يابو متعب هذا الموتر اسمه عمهوج وابي فيه قصيده قلت ابشريابو خالد غالي والطلب رخيص كتبت هذه القصيده والرجاء من الاخوان اللي معهم نفس الماركات التي ترد في القصيده يعذروني وحقهم على هههههههههههههههههه افتحوا كل الدروب وسكروا كل الكباري= واعلنوا طلعت سمو عمهوج في كل المدينه موتر(ن) غطى على الفكسار والجيب السفاري= واللكازز وايضن البي ام مايملن عينه والشبح حتى ايش لو راعيه في شكله يماري = والله انه لو زعط راعيه حنا خابرينه مامثل عمهوج في الخط المزفلت والصحارى = والله انه هو سفينة ارض كان الها سفينه ضوح نوره لا لمحته وانت في جوف الغداري = مثل برق مزون صيف(ن) نحتري وابل غشينه وان خطم قدام وجهك قلت من سحم الضواري = لين تسمع نغمت قزوزه تسولف للمكينه وفتح بيبانه جناحين اشقرن هاز الحباري= هازهن ثم ماج عنهن وارتفع يبغي السمينه اشهد انه كفوا في وسط المدينه والبراري = صممه كافر ولكن جعلها تسلم يدينه جهزه في البيت الابيض وشحنه ثم جاك ساري= لين سلم صاحبه مفتاح سلفه في يمينه قال هاك الموتر اللي مايباع لكل شاري= والله انه لجل خاطرك انت حنا مصممينه واستلم مفتاحه محمد وحطه للطواري = وابو خالد طير حر(ن) كل ابونا عارفينه راعي البرصا على سج الفيافي دوم ضاري= الصبح بالعاصمه والعصر يذكر يم لينه اشهد ان الشيخه بطبعه لها عده مواري = الله يطول بعمر الشيخ والله لا يهينه يستحق المدح مني ومدحه مليون غاري= سيفنا في حزت الضيقات دايم ذاخرينه ملاحظه : البرصا : فرس جد محمد الهيضل

صالح بن هميجان

وصف خيالي وقصيدة مميزه

يعني عيفتنا في سياراتنا

تكفا يأبن هميجان،،،

سومه تراني زبون..

وأفرق السوم 10000

زياده على سعر السوق

لعيون القصيده وصاحبها

اخوي السلطان

مشكور على هذا المرور الاطراء الذي زادني شرف

وانا مكتب القصيد الا عشان يعجب اللي مثلك وشرواك

اما بنسبه لتواصل تعرف اشغال الدنيا الله يكفينا شرها ماتنتهي

وثق ثقه اني معكم قلبً وقالب

وتقبل تحياتي

00000000000000

		المشاركة الأصلية بواسطة : اقتباس
	صالح بن هميجان وصف خيالي وقصيدة مميزه يعني عيفتنا في سياراتنا تكفا يأبن هميجان،،، سومه تراني زبون.. وأفرق السوم 10000 زياده على سعر السوق لعيون القصيده وصاحبها

بن سليمان

مشكور والله يطول بعمرك

على هذه المجامله

والشعار اللي مثلك انتنومس بمدحهم

واما السياره يقول راعيها مسيومه200000

يعني انت تقول210000

بشوفه وردلك ههههههههههههههه

حبيت امزح معك يابو طارق والله لو ادري انه ناوي يبيعه

اني لشتريه وهديه عليك لنك تستاهل

تقبل تحياتي وفايق احترامي

أبن هميجان لاهنت يالقرم

		المشاركة الأصلية بواسطة : اقتباس
	موتر(ن) غطى على الفكسار والجيب السفاري واللكازز وايضـن البـي ام مايملـن عينـه

ابو متعب

حرام عليك عيفتني في موتري ههههههه

صح لسانك على هذه القصيدة الجزلة

والممدوح يستحق المدح واكثر

والله يستر على عمهوج من عينك ههههههه

وتسلم لنا روعتك وفي انتظار جديدك

صح لسانكـ يا الغالي .. جميل خيالك

قصيده قمه في الروعه

ودي ووردي لك

صالح ابن هميجاااااااااااااااااان

مانلومك مدام عمهوج موصلك لينه يسلم ويسلم راعيه

كفو والله يابن هميجاااااااااااان شاعر وتستحق الاعجااااب والاشاده


والجمس يستاهل القصيده صح لسانك ملااااااااااااين تقبل كل الووود


برق الوســــــــــــــــــــــــــــــــــــــــــــــ م